傻‧小玲^O^@部落格

Haagen-Dazs皇室下午茶

$268+1% service charge (mon to fri)

$318 +1% service charge (sat, sun & public holiday)

今次同老公去左elements 試左2015年呢個皇室下午茶, 我記得係幾年前都試過~不過果陣個Menu係好hea既, 得生果同餅乾~對於專業high tea偽貴婦既我當然不足啦~今次係因為我地有$100 coupon, 因為快要到期所以就用來吃Tea 抵d 啦~大家記得上官網睇左邊間haagen-dazs有堂食供應~我地成4點左右去到, 等左大半小時先有位, 吃tea的人都不少哦~但店舖比較細, 坐得唔太舒服~如果想靜靜地傾計就唔得啦~

我地點左個tea set, 原來weekend係貴d, 所以平日食就抵啦~可以揀6款雪糕的味道~我揀左剛剛新出既奶茶口味~其餘的都係平時愛吃的口味~

到落單個陣, 個staff話tea set要等20分鐘~~我地呆左一呆~~~d野應該係ready 晒, 雪糕就更加啦~~所以呢度我地減左分~

個set 跟2杯drinks, 可以揀menu裡面大部份咖啡同果汁, 朱古力咁~

我要左杯mocha, 老公話想試淡d既咖啡, 幫佢叫左杯latte

我杯靚靚mocha, 都幾好飲~再送左塊朱古力~未有得食, 唯有飲住野先啦~

老公杯cappuccino, 也不錯吧~

等左20mins終於來啦~~我地先吃雪糕, 有d失望係d雪糕已經半溶~用左個朱古力脆皮裝住~所以我地快快食左佢, 如果雪硬d就更好~~呢個扣左分~

今年呢set係有d蛋糕同鬆餅~好似upgrade左...d cake都中規中矩啦~無咩特別唔好食, 仲有一樽小草莓醬比你吃鬆餅~每人一件~

中間個層其實都好飽啦~

到底層係佢既style, 生果~有香蕉, 士多啤梨同藍莓~仲有朱古力醬比你沽來食~d士多啤梨唔太甜, 點左朱古力醬就好d~~我地都食唔晒~因為香蕉好飽~

overall, 呢個tea 因為有coupon減左, 每人百幾蚊就ok 既, 但如果論環境同食物, 我覺得閒日個價錢都ok 既, weekend就稍貴左d 啦~下次可以揀d大d 既分店應該好d~

小碎念: 我係好鍾意去high tea, 身邊肯陪我去既人有3個, 我老公, 家姐同我best frd, 我會想試唔同地方既high tea set, 一有時間約朋友仔, 我就會做晒research睇下openrice既評價, 呢期tea set既menu同價錢去決定~揀high tea除左嗜甜之外, 它提供了一個好舒服既環境我地坐足2-3小時~又有好既service, 係食環境同服務多過d cake 架~所以尤其同朋友仔聚聚~high tea係唯一既好選擇~我地又唔會成日都去, 因為都貴架ma....如果似樣d 就$230-300左右一個架~~就係咁~我除左openrice會寫comment 之外, 係呢度開左個column分享下我high tea既感覺啦~~