地址:香港九龍尖沙咀北京道8號
價錢:$538 for 2 +1% service charge (匯豐信用卡可享有8折, 折左每位約$240)
時間: mon to fri /3:00-5:30 | sat, sun & public holiday分兩個時段 2:15-4:15p.m / 4:30-6:30p.m
電話: 2132 7898
remark: 記得要預先打去book 位~我個日閒日去早10mins book都有位~基本上坐到6點都唔會點趕你走~
一星期唔夠又high tea, 今次相約姐姐去左on list好耐既plam court high, 我見呢期plam court 同英國國寶級瓷器品牌Wedgwood合作tea set, 經過一輪爭扎決定一試~因為價錢其實同其他5星酒店差不多~睇過評價都ok, 同埋之前見親d朋友d 相佢既特色係個tea set 架係張枱咁高~所以你唔洗驚個層架會遮住傾唔到計~成半個人咁高好型啊~~由於係即興high tea, 我地早10mins左右打去訂都ok, 位置不難找, 係北京道一號對面, 剛好在duty free個度有個入口, 入到見到有lobby係for 客人check-in, 呢外見到個好細既地方就係plam court, 我地仲等左一陣先有人招呼我地~因為佢無一個人企係到既~
就在中間的位置~環境好靜~~好舒服~唔會太多人, 我地發覺大部份係外國人~可能係住客啦~我地被安排坐邊邊的位置, 與其他枱有一定距離~可以暢所欲言咁hea足3小時架~
現在氣氛不錯, 有真人現場表演豎琴~好優美啊~都係第一次high tea感覺咁舒服
佢d 茶具都係用wedgwood架~~雖然無finds咁靚, 但都好喜歡啦~
坐低就立即有人比左個menu 我地睇啦~~我地一早鎖定目標要英式個個下午茶, 我知道佢出左個咸點下午茶仲平d tim, 不過甜點控既我當然叫最classic 架啦~
個menu好詳情咁介紹好多唔同既茶飲~由於我地剛吃完lunch, 今次要叫茶來消消膩~茶的選擇真不少啊~有wedgwood 5款特式茶, langham blend tea 都有4款; 另有唔同款色既烏龍, 綠茶, 白茶同埋無咖啡因的茶飲,當然還有不同款式的coffee啦~下次要試下先~不過睇meun真係有d難道, 因為全英文, 有d 字都幾深架~所以我地揀drinks都用左好多時間~
最後我決定試下有rose 既呢款"PALM COURT EXOTIC BLEND"
( A truly unique blend of finest quality Chinese white tea, Hibiscus flowers, Rosehip and pink Rose petals; provides a light, zesty and perfumed twist on the more classic character of white tea)
佢既描述真的很詳細啊~我大概飲到好玫瑰香味同唔同花既味, 有點酸酸的~不過我覺得一般~因為我比較喜歡D 重口味D 架~唔緊要啦~下次試過第二樣~飲茶好好架~我第一次見到個茶壺咁多, 飲左好多杯都未要refill~無錯, 呢道係可以refill d 熱水, 咁就可以慢慢傾~又唔怕茶凍左~係咪好抵呢~
姐姐揀左類似有洋甘菊的白茶, 我地之後都交換飲啊~都幾好味~食左咁多件cake飲d 茶會舒服d
等左大約10mins左右, 個high tea set就到啦~~好震撼係企係地下架~d staff仲問要唔要介紹每款甜品~不過佢係外國人, 我地心諗算啦~佢講完我地都唔明架啦~自己研究下啦~當然相機食先啦~睇佢meun既介紹, 原來langham hotel係new york high tea既發源地, 所以我諗應該d cake有返咁上下~
先講底層全咸點, 款式不少啊~佢每款都有2個唔洗分~(睇完英文menu大約翻譯一下, 如有出錯請見諒)
1.燒牛肉黃瓜三文治配雜菌牛油醬
2.芝士車厘茄配開心果麵包
3.雞肉沙律配香桃
4.迷你肉批配洋蔥橘子醬及蛋
5.西蘭花火腿車打芝士餡餅
6.迷你菠菜撻
食完咸點都已經有點飽, 份量好足~味道沒有一樣係難食架~ok wor~
中間個層係甜點, 有5款, 要自己分開2份啊~
1.藍莓脆脆餅
2.脆脆覆盆子奶油泡芺
3.芒果蛋糕
4.檸檬蛋白酥皮
5.士多啤梨杏仁餡餅
6.玫瑰荔枝mousse
7.白朱古力開心果半圓餅
8.粉紅朱古力棒棒糖
嘩~~d食物名真難搵~唔知食左咩落肚~但各樣都ok ~最後個棒棒糖我地無食啊~太飽啦~無帶走留返比佢地啦~外觀係幾靚啊~
大約我地tea set 到左食到一半, 鬆餅才送到是熱的~應該是剛做好~我地都好意外, 因為有咁多野以為無架啦~不過high tea既主菜--鬆餅又點可以無~有自家製提子鬆餅同原味每款兩個~入口好鬆軟~不錯~~
有3款醬比你搽鬆餅~分別係濃香奶油, 士多啤梨及玫瑰果醬
果醬很好吃~有好香的rose~~我至愛~
後記: 雖然我之前最愛的地方係green@hotel icon, 不過佢轉左menu今期唔啱我, 我覺得論環境同服務, 呢度暫時係我心目中high tea既頭三甲好地方~會再來的~期待佢有新既menu~好適合姊妹們傾計的好地方~呢度地方好grand~洗手間都係好英式既設計~有好香既洗手液同埋hand cream比你搽~~又有現場演奏~~我諗無咩女生會抗拒啊~各位男生都可以帶女朋友來坐半日~~放下煩重的工作~~真誠咁傾下計也不錯呢~
最意外係我埋單個staff主動話我知hsbc credit card有8折雙優為~原本諗住好貴每人要$300既high tea 變左$240~真係覺得性價比好高啊~~
留言列表