傻‧小玲^O^@部落格

最近呢個月個人都好好胃口, 可能轉左新藥~又訓得多...正所謂食得o訓得~~就變左隻豬咁...宜家個人真係好懶~多d醫生比左d嗜睡既藥我...日日都可以o訓到一點先肯醒~真係9-10個鐘昏迷~連老公起身都feel唔到啊~都唔知係好定唔好~總好過無得訓既~但我都想自己調整返d時間唔好太over, 要適應返d正常生活~我身邊個個又係唔肯o訓架~又要我督促先得架~昨日出街諗住著下之前條牛仔褲啦~~點知著唔落..好大獲啊~~已經唔敢磅重, 呢排食好多~成日想食啊~~~可能中醫師d藥令我脾胃好左~但我有需要減返d磅, 唔係咩衫都著唔落, 好介意個肚腩~~

上星期同老公落街 , 見到樓下超市有個日韓零食corner, 忍唔住又掃左d零食~~我發覺抹茶零食又真係唔貴喎~唔知係唔係銷量唔好~平均都係$6咋上面既野~~個百力滋都幾好味~唔太甜~

近期整親都係抹茶野~~因為喜歡佢有d 抹茶少少苦但唔甜~係朱古力之外既選擇啊~~不過我知有d人唔喜歡架~~

宜家既然食得走得就做d自己想做既野~想食得食~唔好理人~~呢幾日內心好爭扎~每次見到家人都會覺得自己好無用~~好似好廢咁~~同埋諗到好多過往既野~同埋想做既事~

但因為宜家無做野, 真係要慳得一蚊得一蚊~好多野想做但要錢就要諗下~~我唔想浪費自己得來不易既養病時間, 想係呢段時間做多d自己想做既野~唔好後悔~我都好感激自己有學到整麵包係呢段時間最大既成績~第時一返工就唔會有時間做咁多野~~每日晏左起身就好忟~咩都做唔切~但每日都set 左好多野比自己做~time management我真係要好好學習~

更要學習要為自己做點事而不用睇人意見~為自己而活而不為人而活, 每個人都有自己獨有既生存方式, 只要自己覺得舒服~就ok, 唔洗理人~~因為別人絕對唔會為你而活

有時有d人你幫左佢佢唔會記得你~所以都唔洗太上心, 影響到自己仍又唔知~是好是壞也交給他們承受吧~~

唔好再比呢d人阻礙自己既生~~~活~~身體還有好多有心人肯為自己付出~~我應該要多感激他們~~幫人盡了力就夠啦~~唔洗奮不顧身咁做~~

我要快d 睇開左..個心先可以多d空間去接收多d新野~~充實我的人生~~~我知道我健康快樂家人就最安心啦~~我會努力架啦~