close
今次又煮勝瓜啦~~皆因夏天口啖啖~老公又無咩胃口,要煮D清淡同健康既~ 佢陪我去街市買餸~~難得佢話想食勝瓜~即係絲瓜~所以我就買左條來煮~~2人食一條剛剛好~~其實勝瓜炒埋無幾多架咋~多人食就要買多條~~煮法好簡單~~今次唔煮片頭煮鯉魚肉~~係魚檔買$10就夠2人食啦~簡易方便又一餐~
材料:
鯉魚肉...............$10
絲瓜 ...............1條
蒜頭 ...............2粒
薑 ...............1片
煮法:
1. 將絲瓜去掉硬皮, 梅花間足咁再削去外皮, 切件洗淨備用
2. 將鯉魚肉搓成一大片正方形, 方便一陣落鑊煎
3. 燒熱油鑊, 以中大火煎魚餅至兩邊金黃備用
4. 再加2茶匙油起鑊, 爆開蒜頭薑, 下絲瓜炒軟熟, 落少許鹽, 糖, 雞粉調味再炒勻, 將魚肉回鑊, 落半碗水加蓋焗1分鐘即可上碟
*由於勝瓜易熟, 不宜炒太耐
文章標籤
全站熱搜
留言列表