傻‧小玲^O^@部落格

本來上次話換左個LC煲就唔再買架啦~~因為廚房已經比我擠到滿滿啦~~好不容易老公先買左個架安置佢地~~收到以上呢張LC Invitation card我又心心眼啦~~因為我之前無subscribe 佢既newletter所以一次開倉都未去過~剩係知道好crazy, 超多人排隊~~但入面既野係低至4-5折~~仲有d color 同款係平時門市無~~種種因素令我想去'見識" 一下呢個private sale 有幾crazy~

星期日咁啱我出去學整蛋糕~~~好偉大既老公就車我去朝神啦~~地點係regal hotel hong kong~~係銅鑼灣~~要過海啊~~因為老公要泊車~~所以就放我去拎個籌先~~其實我第一次去都唔知點~~剩係知道好多人係酒店門外排隊~又下雨~~真係不禁嘆一句~~洗唔洗咁多人啊~~

去到要show invitation card個保安先比我入去排隊~個時去到4:20p.m左右~~應該尾3場左右~~因為係可以行開一陣~如果唔係佢唔會寫住唔可以超過30mins~一個人...都幾驚~老公又未到~人又多~心諗仲咩要來啊~~~個人仲要發燒唔舒服tim~~~見到多人都想暈~排左半小時左右就可以入到去酒店入面繼續等~~有個counter  可以交低$20換個大環保袋方便一陣血拼~~其實我無諗住買得多~不過見個個都換就換啦~~

入到去~~又再等~~好多人都坐左係地下~~其實見到好多唔同類型的人~~有太太級~少女級~~但奇怪的事有好多單身男人~~~莫非~~佢地都好熱愛煮餸~~??但見好多人都已經諗定晒掃咩貨~有圖有攻略~~我就咩都唔知~~~好傻仔咁坐係度等~~~此時老公差不多來到~諗住離隊接佢~但d 保安大為緊張~~原來~~一個card可以帶一個朋人去~~連朋友都要拎籌~否則佢唔可以同我入去~~~omg~~~我地唔係一齊入~~所以老公要重新拎籌排隊~我就要自己入去呢場啦~~第一次唔知規則~下次一定等埋老公先入~~本身我想叫老公唔洗排我睇一陣就走~但佢驚我唔夠時間睇就幫我排~個陣仲未知咩事~  

等左差不多又半個鐘~終於可以入去~~我地又由b2行返上b1~~一入到~~係一個ballroom~~擺放左好多唔同既貨品~~d人已經成埋去左自己心儀既架到搶~~我當然係慢慢來啦~~因為我都唔知自己想買咩~~見到咁多人~~插針都插唔入~~得我一個~~係咁捱撞~~要買lc認真不容易~~大會有個45分鐘的倒數顯示係屏幕到~~氣氛更緊張~~

呢個係discount左既價錢~~大部份hot item係d 特別款stoneware~~~

其實一個普通碟都要$100-200~~都唔平~~不過比原價平~

第一輪我無點睇~~~因為我目標想搵個grill pan 同埋粉紅色的矽膠鏟~~但搵左大半場時間都無~~好誇張~~

見到d人個袋係有幾十隻stoneware~~唔係每人限同款買三個咩~~自用真係可以買到咁多~~佩服~~~

聽講話係好多人會係代購之後sell 返出去~~唔怪之得啦~~我諗d hot item要頭場好早拎籌先會拎到啊~

不過我今次志在參與~~仲有最後5分鐘~~我手上咩都無買~心諗~~無理由排左咁耐無收獲既~~好啦~是但買隻飯碗同長碟啦~~~

所以第一輛我既戰利品只有2樣~~因為唔夠時間睇~~老公好醒咁幫我拎左飛~~又趕去下場~~

今次冷靜d~~不過d貨應該無補~~係最後一場~~都已經6點~~今次就周圍睇下仲有無grill pan同特別野~~~同埋搵隻唔係粉紅色既碗同老公一套~~但搵左好耐都無~~

現場最多係碗 (marcoon pink) 同埋oval plate (marcoon pink) 同埋心心碟 (blue)~~所以唔難搵~~粉紅色控既我當然要買返幾個啦~~

於是第二輪買左3樣野~~好豐富既收獲~~老公msg我話比$2500 budget我~~太感動啦~容許我敗家~~不過敗唔到啊~因為d cast iron 都無特別色~所以我就無買~~

無handle既round grill又無喎~~最後買左d我無諗過要買既stoneware~~~好無聊啊我~~

總結~今日入場平均等左一小時~唔算多人但已經無咩特別款~慢慢揀唔洗急~~建議孕婦, 小朋友同老人家都避免去~因為現場d貨同人都好混亂~~有碰撞好危險啊~~

同埋記得帶環保袋~~因為無帶就每個紙袋都$1~~

開倉好似一年有幾次~~但係個d try me item係唔會有折~平時sogo , 門市做promotion都可以有機會做到discount~~唔想迫既可以留意佢地fb去買~~

我諗我應該唔會再去~~~因為真係太恐怖啦~~怕怕~~

呢度係我既戰利品啊~~~好靚啊~~~

medium heart dish x2   $280

Oval plate 30cm $180

ceral bowl $120

round plate 27cm $220

rice bowl $100

昨日立即開光拎來盛長通粉~~心心碟~~其實想買pink 不過搵唔到~~係咪成個感覺high 左好多呢~~^^

特別嗚謝老公等我同幫我排隊~~前後攪左3小時~~好在咋~~之前聽人講要排4個鐘~~

雖然買唔到我想買既野~~不過宜家有多批靚靚餐具煮野食都開心d~~~

宜家做左人妻之後~~廚房就係我衣櫃~~成日都要同佢買靚衫~~哈哈~~同埋買左第一隻LC 就真係會上癮架~~~好危險啊~~~