【新手做甜點必看】‧手作甜點工具~準備篇－傻‧小玲^O^@部落格

係我未開始整麵包之前, 其實我係由蛋糕開始~~因為初初有個多士焗爐都可以整下蛋糕仔~~~整蛋糕要既技巧比做麵包的難~但勝在製作時間比較短, 唔洗幾個鐘先出爐~唔洗等發酵~~想食就隨時整到可以~~整甜點年資大概2年左右啦~~係不斷既失敗與嘗試~~宜家都算掌握到基本的技巧~~身邊的人也很喜歡吃~宜家就同大家分享下整甜點基本配備要準備d什麼啦~

1. 電子磅

跟做麵包一樣, 配備一個精準的電子磅係非常重要的, 因為做蛋糕比做麵包的材質粉量要十分準確, 先可以成功~如果量的材料份量唔準會直接影響製成品的成功與否, 我自已就用日本的tanita 電子磅, around hkd$180 左右~~, 可以一路量再置零再一路加入材料~~節省很多時間, 而且方便清洗, 佢細到0.1g 都可以量到~~

2. 焗爐月

20150818_162450

唔講都知焗爐一定要架啦, 不過市面上真係有好多唔同種類既焗爐, 價錢又平又貴, 但究竟要選一個點樣既焗爐先好呢~？如果想專業地學整蛋糕, 當然可以買個入牆既專業大焗爐, 空間夠大的話可考慮~因為爐溫同埋穩定性必定高d, 不過價錢就....如果好似我咁初學既, 又無咩budget, 平平地買個1000左右的電焗爐就可以啦~~揀返大牌子就更安全~但注意一定要揀個有上下火分開, 有得較溫度的焗爐對焗甜點更為重要, 一般多士焗爐沒有溫度設定, 只可用作翻熱食物等作用, 沒有溫度焗蛋糕會比較難控制時間, 我試過一係就過火, 一係就唔熟~所以唔理咩牌子都好~有得調溫係好重要架

3.打蛋器

整蛋糕成日都需要將蛋, 粉, 糖等攪拌, 雖然都有電動打蛋器, 不過手動的打蛋器都好重要架~~有時d材料其實只需要充分混合就可以, 不用開電動打蛋器咁大陣象, 用這個打勻即可, 係出面上一d專業的蛋糕班都會有時叫你用人手打發蛋白至溫性發泡, 因為係無電動打蛋器的時間, 手動的都可以做到甜品

4.粉篩

想做又滑又軟的蛋糕就一定要將低筋粉過篩1-2次才混合, 所以一定要配備不同類型的粉篩作不同場合使用, 長柄粉篩適合大量粉過濾~~用手輕拍就用到

最緊上堂見到佢d會用呢隻手握粉篩, 只需用手不斷握動手柄就可以將粉過濾, 十分方便, 當然價錢也比較貴啦~

5. 刮刀

矽膠刮刀係做蛋糕必備的, 當蛋液同粉混合時因為要保持整出來的蛋糕平滑, 我地需要用"切拌"的方式輕手混合蛋糕混合物, 矽膠刮刀就可以輕易做到, 將盤內的混合物很徹底的倒入焗盤都需要用到, 我的刮刀是在jusco 買的~~很抵用

6. 量匙

不用單位的量匙是必需的, 以上圴量匙組合有湯匙(15ml), 茶匙 (5ml), 半茶匙, 1/4茶匙 4種不同單位, 對量一些油, 泡打粉等等的較少的份量就很適合啦~

7. 電動打蛋器

我用的是philips打蛋器, 一般200-400左右都買到, 雖然手動打蛋器也可以做到, 不過有電動打蛋器就可以更快將材料攪拌好, 而且要有速度調教, 我用的有5段速, 慢速用作打發忌簾, 快速用作打蛋混合物~如果要做一些鬆軟的蛋糕, 打蛋白就需要一個電動打蛋器才可以輕易打起; 最好買打蛋器是有2種攪捧, 一物2用, 除指定的打蛋器頭之外, 旋轉式頭的可以用打做麵包, 麵條, 月餅皮等等....

8. 打蛋盤