傻‧小玲^O^@部落格

唔好以為又係冰皮啊~~佢係有色既傳統月餅~今次買左包日式桃山月餅皮來做健康的傳統月餅~個個也大讚夠特別啊~呢個真係我行開烘焙店自己諗架~

日式月餅又稱「日本桃山月餅」，俗稱黃金皮月餅，日本和果子的一種， 餅皮用傳統日本黃金桃山皮精製而成，風味獨特，桃山皮起源於日本桃山，採用白芸豆沙配以蛋黃、牛奶、奶油等材料秘製調配而成，口感以細膩而聞名於世。將桃山餅皮運用到月餅上，改變了一直以小麥粉做月餅餅皮的傳統，現今的桃山月餅顏色更豐富，而且餡料種類也更多些;由於餅皮不含麵粉油份,不油不膩,適合健康飲食,製作餅皮時更用了30%海藻糖取代傳統的砂糖用量,所以吃起來甜度只有約一般月餅的 7 成而已~這很吸引哦~是傳統月餅另外一種選擇呢~

見到烘焙店同網上的資料介紹~自己又有興趣試下~所以買左一包250g試, 大約可以做到10個50g模的月餅~之後做過好味再買都買唔到~要特登打電話叫佢留多包比我先夠做~下年要早點買定~

即開即用~只要取出適當的份量~建議皮餡的比例是1:1 , 

今次除左用即用紅豆餡之外，自己做了些紫蕃餡~因為之前行過aeon見到有沖繩紅芋 (即紫薯)賣~佢呢隻比起中國個d係細條d~我知道這是沖繩的盛產~用來做餡料應該都不錯吧

$21.9 (from jusco)

紫薯餡做法: (請參考肥丁的食譜)

材料:

紫薯.....................200g

黃庶糖......................15g

麥芽糖........................1湯匙

植物油..........................25ml

做法:

1)將紫薯去皮切粒洗淨, 隔水蒸20分鐘, 用叉壓成蓉

2)將紫薯蓉放入鍋中, 加入植物油, 砂糖以小火煮至糖溶化

, 再加入麥芽糖煮攪勻至結實放涼備用

(放於雪櫃可保存3-5天)

桃山月餅做法:

1.將餅皮搓軟熟會稍為變大一些, 此時如果想做不同顏色, 可以加入不同味道的粉搓勻, 以下加入抹茶粉變成綠色, 豆沙及紫薯餡搓圓備用

3.桃山餅皮搓圓後壓平，包入餡料，用虎口邊轉邊收口。 

4.搓成像雞蛋冰的圓柱狀，填入模型中，輕輕壓平。 

5.再把入模整好形狀的桃山餅皮輕輕敲出。 

4.在表面嘖一層水，以上火200℃預熱20分鐘，以180度烤10分鐘, 取出搽上薄薄一層蛋汁再焗3-5分鐘至表面金黃即成

**月餅可置室溫3天~如3天吃不完請放雪櫃於5天內食完, 食前用焗爐翻熱食用味道更好**

今年做這款月餅也很受歡迎~因為比較特別又唔太甜~很簡單就做好~送禮的佳品哦~

月餅部份分享完畢啦~~祝各位中秋節快樂~人月倆團圓~

下年再一起整月餅啦~~~