傻‧小玲^O^@部落格

呢兩個係我既作品~~都勉強見得下人嗎~~^_^

早兩個月已經想寫一直都無時間~~話說本身甜點控既我...咩蛋糕都愛吃..出面食得多...發覺來來去去都係千篇一律~~咁啱家中又添置了焗爐~~可以試下自己整...甜度又可以控制~~仲有係健康D...姑娘之前都有一直鼓勵我發掘下自己的興趣~~~或者可以擴展成事業呢~~~諗諗下又係喎~~雖然都係言之尚早~~本身已經有少許烘焙底既~~就試下學D 生日會用到既蛋糕啦~~上網同介紹都有好多~~格過價同爬文之後~~大家都話賣烘焙野呢間都有名氣既教室整出來的蛋糕係唔錯架..導師之前係酒店做過餅房大廚~~同埋價錢又唔貴, 所以係10月報左幾堂有興趣既蛋糕玩下~~佢每個月既蛋糕都會有D唔同~同埋都好受歡迎架~~大家有興趣可以去呢個網址睇下~

http://www.twinsco.com/g_cls_sch.php?month=10

我幾次都係揀左係油麻地上堂~~因為最近~~好在有老公車車接送~~回程又有巴士~~近住果欄附近~~之前特意出來買烘焙野同埋刀都去過佢門市~原來佢1樓係門市~10樓係烘焙教室既地方~~咁啱我報親既蛋糕班都係個個阿sir, 佢應該係hyatt 做過~~好熟悉個邊既野~~好有經驗~~第一堂上到去可能天雨~~得4個人上堂~連埋我...心諗咁正.. 小班教學~地方都好大又乾淨~阿sir 自己一個教準備好晒d 材料比我地~仲有張簡單既食譜~~

lesson 1: Opera 歌劇院蛋糕

食譜就唔可以同大家分享啦~~不過可以分享下上堂既點滴既~~係度上堂既模式係, 阿sir 大概會講下整蛋糕既要點, 每種唔同焗爐既特性同埋要點睇爐~~(因為我上左佢幾堂~佢每堂都要講一次)

我地就出去阿sir 度睇佢做一次~當然分幾part如果唔係我地記唔晒~之後就返去自己位跟住做~~同自學既分別係...有d手勢同技巧係書本上學唔到架~~所以點解真係要比錢去學~同埋學多幾間唔同既~d 導師的手法也會唔同~自己都好喜歡食opera~~因為佢有咖啡同朱古力係我至愛, 同埋好多層好豐富~~之前係屋企有整過cheese cake~不過海綿蛋糕就未試過~~今次就會學到啦~同埋朱古力淋漿技巧~

由於我地係初學者~自己整唔到咁多層(出面至少6層先算opera), 我地就將蛋糕切三片整三層試下先~~加左好香既咖啡酒~~不過面頭係用返朱古力漿~~因為無cream, 所以呢個蛋糕係可以唔洗入雪櫃放三天架~~好神奇啊~~

呢個係阿sir 整既~~佢分左比我地試~~好味唔膩~~阿sir 整左4層所以豐富d~加埋d 朱古力同金薄~~成個grand 晒~ 

因為老公有朋友生日,我就轉送比佢地啦~~因為佢地雪左雪櫃所以硬左d, 睇來唔雪都ok wor~

lesson 2: 山丘栗子蛋糕

平時栗子蛋糕就食得多~~整就要學下啦~我見佢個外形幾得意wor.~~同埋栗子蛋糕大家都好喜歡~~佢係有朱古力內餡~~外面係栗子cream...同埋清蛋糕~~蛋糕做法同上次一樣~~今次係切三片~

每層都擠栗子cream,,,上層個圓拱形係d 朱古力漿雪成圓頂蓋上..咁我地係擠最外個層栗子cream先至有個山丘型~~又學到新野~~外面再加d 糖霜花花作裝飾~~成個蛋糕好可愛啊~

呢個係阿sir 作品~~好靚啊~要隻手好定先至圍住一氣呵成整到呢個shape

返去切個裡面比大家睇下~~比左家人試覺得朱古力味重過栗子味~同埋甜左d~~真係要改良下o架~不過都算不錯~~

後記: 

學左2堂呢間教室~~蛋糕整出來既成功率都有80%~~~ken sir幾nice~~好肯教~~~有另外野問佢都會答~~同埋keep time 好準時~~唔會over time~~上課亦都好準時~切忌遲到~上課地點都唔難搵~~近mtr既~~佢最多都係得12人..weekend 同weekday都有~~如果報名最好前1-2 week報定心儀既堂~~成日都好爆~~只要網上報名, 3天內要轉好數去佢既account~~send返receipt比佢~~佢就會send 個confirmation email 比你~~print出來~帶埋圍裙收據去上堂就可以啦~~最方便係落1樓就有門市可以買晒d 材料回家整~~美中不足係佢上堂整蛋糕會落乳化劑~~目的係令個蛋糕易打d鬆軟d~~~佢話出面既蛋糕一定有落~如果唔係好難打得起~~雖然唔知有咩壞處~~始終落化學野我都唔係咁想~~自家製就想健康一點~~~如果在家整到落咁同係街買咪無分別囉~~~所以我就要再搵下邊度有得教整pure d 既蛋糕啦~~anyway~~如果平平地$260 一堂玩下係不錯~~