傻‧小玲^O^@部落格

一直都想寫呢篇blog架啦~~不過成幾個月都掛住學蛋糕而唔得閒寫~~之前同大家講我去左唔同既bakery shop學蛋糕~~但學極都唔係我心水~~(心頭太高>__<), 我想學一d 日式既蛋糕~好似a1同tomato咁簡約既外表, 好味唔膩的內饀~~唔想落化學野係蛋糕到~~雖然我知道市面上一定好多都會落乳化劑~~因為打出來既蛋糕會軟熟d~自家製既我就係想純天然~健康d~~於是上網search下邊度有得開日系蛋糕~~第一版就出現abc cooking studio呢個名啦~~之前未聽過~~一睇之下原來真係日本人開既~~已經係亞洲唔會地區有分店~日本無人不識~再睇埋佢既catalog介紹~~真係好吸引啊~不過知道價錢應該唔平~~見到佢有trial lesson~~於是膽粗粗打去k11個間試下堂~~睇下佢教得好唔好同埋環境如何~~詳情可以去佢官網睇下-->http://abc-cooking.com.hk/home

好快就約到上trial lesson啦~我揀左閒日下午去學~佢係小班教學~最多4人, 最少1人都會開班, 由朝10晚7都會有堂不停開, 我心諗應該都幾好吧~因為好怕1個老師教10多人~好多人都問唔到~~小人都可以集中d~

香港有2間分店, 分別係k11 & pmq~因為k11比較近我~去到早左~參觀下先~係尖沙咀k11商場 1/F, 搭地鐵尖東站N2出口就到啦~~

門面都幾光鮮~~放晒 D catalogue 係度~~有個reception 比人問野~d staff都係好後生的女生~~

仲有花紙同心意卡~比學員免費拎, 等整完既蛋糕可以當禮物咁包住送比人~~真有心思啊~

放左好多焗爐係度~~係用緊東芝既蒸烤電焗爐~~我睇過要差不多6000左右一部~~

上堂既地方一眼睇晒~~~~佢分別放左9張長枱~每枱就開一班, 所以如果咁多班開晒都幾有壓迫感~~

有locker比學員放私人物品, 鎖好先上堂~

好啦~參觀完夠鐘上堂啦~~今堂好正得我一個人報~包堂學日式栗子蛋卷,係一個好年輕既miss 教~~都好細心~~會問下你有無問題~~我就趁機會問下佢整蛋糕既技巧~~

呢度係用日本白蛋同上白糖整蛋糕~~因為係日本開既教室, 所以用料都係來先日本~~呢度都會加分啊~~miss話會日本蛋好味d, 日本糖同白砂糖外表一樣~但佢係未經漂白~健康d~同埋食落無咁膩~同埋佢用president既淡忌簾~最緊要佢既配方係唔洗用泡打粉同乳化劑都可以做到鬆軟好味係好難得架~

差不多個半鐘就整完~可能呢個比較簡單~~即場就切左頭尾試食~入口即溶既口感~~食完唔覺得膩既cream~~~即刻心心眼啦~~佢仲有份好詳細既recipt比你~~唔洗驚唔記得d step~

有好多小技巧原來平時唔知架~~學到好多野~之後上完堂~佢係咁易比d catalog你睇下~但好值得欣賞係佢無hard sell你~可能預到呢個miss 好d~係我主動問佢拎個價目表睇下~~

呢度係唔可以逐堂報架~~一報就要最少6堂~~我見到其實佢有4種課堂~麵包班, 蛋糕班, 和菓子同日本料理~~我見最相宜既係蛋糕班, 最低入門價係$2520 for 6堂cake lesson~~再加$800入會費, 佢話入會費係永久~只交一次~~今日做半價~~我諗左一陣~問左老公~~得佢批准就膽粗粗報左個蛋糕班啦~~之後先知原來有熟人推薦就可以free入會費~~不過我無~~算啦~~$400 豪比佢~

就算係閒日去~我見到都好多人學~~見到佢fb好多人反映報唔到堂~~book堂係through 個網上系統架~~你可以睇到幾時有堂同埋咩老師教, 仲有係個班有幾多人~~一目了然~不過d status會變架~因為我地可以隨時改時間, 佢會係前一日的5:00p.m後就唔比你改~~所以好多課堂都係前一日先confirm幾多人出席~因為佢每3個月會重覆一次d 款式~~所以基本上你會係3個月內學到晒~~~如果你報到~~因為我想學蛋糕~~所以暫時都要等佢4月再加新款我先學晒~~

由宜家為止, 我join左5堂~~隨左整blueberry cheesscake個堂個餅底太硬同埋整雲石芝士蛋糕 (christmas trial) 太硬之外~~其他製成品都一致好評架~~

blueberry double cheesse cake

(面佢用冰鮮藍莓自己煮成果JAM, 食之前先放上面, 底仲有層酸忌簾平衡返芝士既膩)

白朱古力脆皮蛋糕

外型好特別, 裡面有4層, 夾住紅莓, CREAM係白朱古力, 外層係白朱古力脆漿~我覺得幾特別~~可以拎來做結婚蛋糕~~但呢個係咁多個之中最難整既~~OVERRUN左成個鐘啊~~

SHORTCAKE

(係我最想學既蛋糕, 因為我好LIKE食ITALIAN TOMATO既士多啤梨蛋糕, 呢個應該係簡單但好食既蛋糕~佢用福崗士多啤梨~~真係正啊~不過抹CREAM真係好難~~)

CHOCOLATE MOUSSE CAKE

(唯一唔洗焗既蛋糕~~不過原來都幾難整~~因為我上堂個陣係夏天~~路途遙遠~~返到家溶左~~但都幾好味~~)

最後都同左家姐一齊上既雲石芝士海綿蛋糕~~因為係CHRISTMAS TRIAL LESSON, 只要我帶一個NON MEMBER就可以用$200 (LIKE 左FB 減$80) FOR 2 ~~上佢地既體驗班, 我見我家姐未試過同埋又夾到時間就一齊學~唔知係我太緊張定係個MISS 無睇住, 我打蛋OVER 左結果個蛋糕好實, 但家姐話好食, 我下次都整返先~~其實好簡單架咋~~再加埋Christmas既裝飾~~成件好似裝飾品咁~~

基本上我揀既課堂都幾好~~有幾個miss係特別有耐性我會特別揀返架~~宜家剩返一堂~~睇下佢4月會加多唔多款~~我再考慮上唔上先~~~都係一個唔錯既體驗, 我報既6 lessons 係valid for 8monthS, 即係我8個月內上晒堂就得~~時間自己揀~~比較彈性~~唯有唔好既係miss的表現會比較有出入, 同埋要一次過報好多堂先得, 如果想上佢既master要先上18 lesson既basic course先得~~大家可以參考下啦~~

分享完畢~~~後記~返到屋企有時未必做得返~因為好睇你既焗爐溫度同埋自己打發既技巧~~要多加練習先可以做到靚靚又好味既蛋糕~~仲可以自己調整糖既份量~~宜家係出面食既蛋糕都開始覺得自家製好味d 同健康d~~都係因為我成日整蛋糕~~發福左不少呢~~~我要繼續努力試多d