傻‧小玲^O^@部落格

好不容易等到6weeks~~~即係新年過後1星期~~呢日我地等左好耐~~我同老公都好緊張~~我前一晚仲係失眠tim~~~因為唔知係咪真~~唔係照唔照到~~相信這個心情係媽媽先會理解~~不過我見到老公都好緊張~~但佢好好~~有安慰我~~~今次第一次產檢約左係星期六~~老公又可以陪我~~我地約左1點~~朝早我地係屋企煮麵食~~食飽飽先去~~以免餓親~~

其實今日6 weeks都唔係話好唔舒服~~但開始會口淡淡~~但又未嚴重到食唔落~~診所係油麻地~~地點比較偏僻~~老公揸車車我去~~等我舒服點~~~

準時去到診所~~~比我想像中大規模~~同時有2個婦產科醫生Share個office~~有4-5個姑娘係到~~比我感覺好安心~~而且姑娘都好nice~~我地入到去就比身份證登記~跟住就自己拎左張試紙~~按姑娘指示去洗手間去小便浸下佢~~再放落紙杯到~~返來就比姑娘睇~~呢個步驟係要每次都驗~~驗尿婦~~1.尿蛋白 2.尿糖~~應該係觀察返有無妊娠糖尿病同其他毒血症~~~都好丫~可以安心d~

跟住姑娘就會好親切咁叫你個名~~叫你去磅重同量血壓~~我可能緊張~~所以血壓好高140~~上壓~~我知道孕婦係比正常人高少少~~~120以下都正常~~我平時係100-110~~所以姑娘都好驚叫我坐一坐Relax下先再量~~咁我又抖左陣~~再量回復返110~~咁就好啦~~因為係懷孕時血壓高會有機會患上妊娠毒血症~後果可大可小~~

再等多陣~~就入去見醫生~醫生好後生好NICE~~好細心咁問你過往病歷~~再問你幾時驗到有~~~仲派左張飲食禁忌~~估唔到西醫都有~~

初期唔可以食"木瓜,香蕉, 苦瓜, 中藥"~~同埋提你懷孕有咩重要日子需要記住~~我下篇再講~~

之後傾完就去左照超聲波另一間房~~放低D野~~訓上床~~有姑娘協助~~佢會用大紙巾蓋住你個肚仔同下半身唔好冷到~D姑娘都好溫柔~~之後準備好晒叫埋老公入來坐係旁邊~~因為8week仲係好細~所以都要照陰超~~唔係直接係肚上面照~~過程係有小小驚~~佢將個儀器放入去~~好似婦科檢查左右~~少少野頂住~~但都OK唔太辛苦~~跟住醫生就係咁搵~~我地就係前面個MON睇住~~

 6 week~~

呢個洞係咩呢~~醫生話太早期搵唔到BB~~我同老公有D失望同擔心~~因為見唔到BB~~但醫生話起碼照到個胚胎會係子宮內受孕而唔係"宮外孕"~~可以排除左第一個難關~~等胚胎慢慢成長~~醫生見我地有D唔開心~~佢好努力再幫我照埋卵巢有無咩問題~~仲有照到俗稱蛋黃既"卵黃窶"~~呢個係負責初期供營養比BB架~~所有有呢樣野即係代表BB生長緊~~只係太細未照到~~咁照完晒~~又去返見醫生~~醫生話叫我注意飲食戒咖啡因~~同埋繼續食葉酸~~~2星期後再返來照~~因為未照到所以醫生沒有開懷孕證明~~

就係咁~~~第一次產檢是這樣啦~~~

雖然本身以為今日會照到BB~~有點失望~~但係我地都抱住希望既心再等待~~同自己講一定無問題架~~下次會見到BB 架~~

之後我地仲去左睇戲同食牛角放題預祝下~~等我地緊張既心情放鬆下~~