傻‧小玲^O^@部落格

今日去左北區做第三次覆診, 記得對上一次見醫生個感覺唔多好..因為個醫生好惡..好似想趕我走咁...今次老公特意請左半天假陪我...真係個心定好多....不過我自己當然要學會獨立啦..因為唔可以成日為左陪我而請假.佢好忙架..我都唔好意思架...今朝好早起身,好耐無試過咁早起身...昨晚又諗緊D野失眠..我發覺我好少事就會帶埋入個腦到揮之不去..明明好眼訓..但都係訓唔到..連續3天...真係就快支持唔住啦...明天還要見姑娘輔導架...我的黑眼圈想遮都遮唔住啊...好嚇人...

去到醫院要比左錢先...最驚既事情終於發生..見到親戚...我每次好彩都見唔到..今次好在有老公係度...無咁怕..見到都要硬著頭皮上前打招呼..老公同佢傾計..我就去比錢先可以見醫生...到最後最擔心既問題出現..佢問我地睇內科定外科...(其實我真係唔知點講..咩科都唔係..係精神科@_@..我成日都怕比人知..帶有色眼鏡睇自己..我知道咁樣唔啱..不過又唔知道可以點處理)..老公居然話我都唔係好知..(哈!咁都得..呃鬼咩), 我好緊張就道別完拉左佢走...鬆左一口氣..下次我緊要來..有機會又預到..我下次要勇敢一點要面對...話比佢知我睇甲狀腺 (好多人都唔知咩來)..應該也OK 吧...

昨天做左好多野...下午去左元朗駕駛學院學車..已經係第2堂..之後會密d..因為我下年月尾就考..仲有個多月...不過我應該係熱愛揸車..雖然都唔係揸得咁好..視線依然差少少...唔知點解轉完彎都係比較難揸返直線..下堂要再努力點啦~~

去到元朗學..因為個度比較偏僻, 駕駛學院有免費穿梭巴士送我地過去, 5分鐘就到...超方便...不過由我家去元朗都真係要大概1小時...好遠呢...去到有個幾新幾FASHION既LOBBY比大家休息等考車..因為有時巴士同學車時間唔match.所以變左真係要等幾個字先到...今次一去到阿sir就比我開車..好在我返家都有溫習..仲有老公幫我...我記熟晒d步驟..開車無難道..不過始終直線就仲差少少..成日都剷左上行人路....真係大獲...@_@...今堂阿sir 教我轉波..無錯我是考棍波貨van...勁呢...係度挑戰自己...不過其實有少少擔心自己handle唔到..不過比d信心..做得司機旁邊都算有少少路面經驗吧..哈哈~我覺得自己轉波都ok..起碼只死過一次火...係個半小時內裡面...算係咁啦...哈哈...由1波轉2波有d速度感..覺得好爽..只係有個心理包袱係...成日都會驚撞到野或耆人..阿sir話佢會幫我睇住...唔洗驚....我下次要更比信心自己..i can do it....阿sir成日都話我唔夠自信..可能我成日都將自己既自信建立係人地既肯定方面..所以會咁..今堂係個場內勁轉圈...真係頭都暈啊...最後阿SIR教左上斜停車同開車..有少少技巧不過都幾易..呢個係考試之一來架...希望下次會做到...

我一向都勁喜歡食士多啤梨, 不過成日去超市買..唔識買次次都唔甜又酸, 今次買個種真係唔OK 架..大獲..咁點算..成盒咁酸真係好難攪..

我的化妝年齡應該有7年吧...自從大學2年級做左part-time sales, 個陣個supervisor一定要我地化妝先可以上班, 因為賣衫公司著重形象嗎~~

自此...我就基乎日日都化妝...除左病...就算落街我都總要搽base +碎粉+遮暇+胭脂...這個係最基本展現好氣色的妝容..雖然我又未至於素顏好驚嚇..不過身體唔好連帶黑眼圈及青青既面色的確好似想暈咁款..所以都要化一化先可以落街~~

上星期又整左雞尾包比家人做早餐啦...呢隻包係我由小到大都好喜歡食架..因為內面有餡甜甜地好好味又平..3.5已經有一個好飽肚..當然係非常之肥啦..又牛油又椰絲...之前以為好難整因為有餡架..原來都唔算..好再有呢個食譜..整得好成功啊..雖然無麵包店咁軟...大家可以去以下條link睇詳細食譜..呢個雞尾包個工序都幾多下架..要預3-3.5小時左右...