我實在太懶啦...成2個月未寫過BLOG, 因為之前都在忙同埋自己既病情唔係太穩定..所以沒精神寫啊...其實都想寫多D..等自己面對返少少大眾...差不多10個月...其實都盡量唔想幫自己倒數...會好緊張的...呢段期間..為左令自己唔好惡化..我做事上來都有D要留意...
呢幾樣野我都盡量會做好~~免得刺激自己又累到人...宜家睇醫生D藥又係咁食,但其實想開始逐步去減,始終想靠自己去好返..但身心要配合
呢幾天做左好多野...一直都無時間打BLOG..已經停藥了一星期...感冒亦都好返...昨天開始...我已經唔洗再記住要吃藥啦...
自從甲狀腺病開始...2012年開始吃藥直到2014年1月先停...但不幸地2014年既8月又開始再吃...到宜家2015年4月停...真係基乎無停...宜家唔吃藥個人都控制到....希望Keep住啦...呢個病身心配合都好緊要...好幸運身邊的家人咁保護我...咁錫我...呢段時間咩都幫我擋..老公, 家姐,姐夫,細佬, 媽咪,爸爸,老爺,奶奶...等...真係好多謝佢地咁體諒同照顧...當初諗左好耐唔敢講驚佢地接受唔到..但其實係我諗太多...可能之前經歷...對人失去信心...亦唔相信自己值得被愛護..經過這次..我相信自己可以擁有得很多..唔再係一個人啦...有你地..我先可以有勇氣去抵抗呢個病...好快..我會面對返人...再投入工作..今次放左咁長既假期...真係身心都休息得好好..
今日雖然係星期日....但因為感冒...食左藥就好似昏睡左咁...老公今日有事做...返左古洞...我因為唔舒服所以無去..起身吃左野...又訓過...好耐未試過咁好眠.....點知一訓就訓到夜晚...等到7點老公打左幾次嚟我先知醒, 吃藥口淡淡...突然想飲酥皮湯...諗到去聯和墟既懷舊"雅士餐廳"
我地都好耐無去啦...係一間好懷舊既扒房
昨晚很好睡，因為吃了藥，失眠問題就沒了，一覺睡到大天光，希望日後不是靠藥物才睡了呢
今日居然會同老公同一時間9點起床，他當然是遲到啦，而我真係好難得，因為應承過自己唔可以再做個無規律既人，一如既往係床上打滾，天氣冷就唔會唔賴床啦！10點起身是但梳洗下，飛奔落去買個至愛既大家
一個月前已經跟好姊妹報左工聯會既初級-按穴療法課堂, 其實都唔知道有呢樣野學架...係友人有興趣問我,反正宜家又無咩做...所以就一齊學有個伴...$590學3個月都幾抵啊..每星期上一堂...比我想像中輕鬆同好玩, 有一半都係後生仔女...可能係太多人腰酸胄痛啦...所以自己學左可以幫自己...我都有呢個問題...對穴位都有d興趣, 試過真係得..所以好神奇啊....又唔貴...所以每星期都同朋友上個半鐘...阿sir 教得唔錯架...難得唔悶...又可以實戰,我地每堂都同同學仔一齊試下...阿sir又會輪住試我地...有時d穴位真係按到好鬼痛架...叫晒救命啊我地....
又3個月無打BLOG 啦...呢排都無事忙...無咩動力去寫BLOG, 加上身體不太好...所以好多事情都Delay左...
剛剛放完復活節假, 日日都同老公出左街..好充實, 有2天也是親親大自然, 行下山...好健康呢...不過我感冒啊....這幾天精神都不太好...
今日依舊好懶...躲在家中..前半個月日日都學車實在太繁忙啦....都未試過有幾天可以抖抖..無精神做麵包啊..訓得唔太好..好多夢發..所以精神唔係咁好...終於一口氣睇晒係圖書館借返來既書啦...借左人地2個月啦..真係樣衰啦..諗住旅行之前可以了左自己應承自己既目標先...
唔知係唔係自己練車減左食藥既份量....覺得一靜下來既時候...個人突然有種無力感..好唔開心咁樣...手同頭都好震~~..但其實無野特別掛心...
忙左成個月去學車...上星期五終於考完第一次合併試啦...結果只pass左一半....只有泊位掉頭上斜落斜呢個乙部合格, 丙部的路試就多加努力啦...我有3個嚴重錯誤..都怪自己心急...平時過快線明明都ok...今次心急無睇車就想衝出去...雖然都真係出左..但比阿sir出口..知咩事啦....我既緊張攪到我心急..平時唔會犯既錯都錯左..我都知道自己唔會咁叻一take 架啦...呢2個月都已經係出練..其實剛剛夠30hours,,有d人會學50hours先會一take..我又唔係特別叻..又唔係有天份..仲要挑戰最難既棍波車...我家買了台棍波..要有車揸的話就要學..況且老公也說學棍波貨van即係1,2號牌可以揸4款車...彈性高d..所以價錢貴d都值得..係我一生人除左結婚之外...最大既投資...宜家等重考排到6月4日..仲要等多4個月...所以暫時都唔洗學住...宜家路線都熟晒....係基本功再操下...呢段時間多謝老公每個weekend自己無得休息同我操練...雖然有時佢係一個嚴教練..不過嚴師出高徙...吊極力子的確快左...雖然fail個日真係好唔開心..因為想係呢段時間了左心事..又唔想再洗咁多錢補鐘...不過諗諗下又有幾多人會一take..所以我又震作起來...來緊一星期可以留係家抖下...做自己喜歡的...plan下旅行....準備好靚心情就可以啦....
應付呢個考車瘦左2公斤啊....真係野都食唔落啊....好誇張
嘩~~~成個月未寫BLOG...因為呢個月都在忙...過左聖誕, 新年...來緊下星期五就考車啦...所以日日加操..剛剛練完回家啦...終於有時間可以打BLOG...SHARE下自己既近況...宜家滿腦子也是"轉波""拉手掣"...當初半年前報學車係為左代步..見到身邊既老公都揸左成十年...我係旁邊睇好似好易咁...點知學開車唔難...難係點去睇路面既情況...係安全情況下到步..再唔係好似打機咁...撞到都唔怕...我仲要跟老公學棍波..個個都做得到點解我做唔到...我忟自己啊...學極阿SIR都唔滿意...CHOK到想嘔...真係無想像中咁易啊...係發病之後第一個巨大壓力要面對...以前考保險試...明明只有一次機會...都係唔識同緊張..我都無好似宜家咁應付唔到,宜家可以太耐都係休養中...所以突然要考一個自己準備唔到既試..就會十級恐懼...真係仲難過會考..一來唔想Retake..因為真係好貴..無咩錢去再考...2來真係好驚撞到人...路面上令我驚慌..我知道應該信阿sir會睇住..我剛才緊張到連阿sir既指示都聽唔到..腦一片空白....比阿sir 醒...有幾次都左面太貼..其實真係好危險架....但我都唔想..驚到手都震..我呢個情況真係唔可以去考試..咩心機都無晒..連最有信心既泊位調頭都做得唔好啊....我唔可以再係咁啦....雖然係唔識...雖然係好驚...但身邊有老公幫我練...其實又有咩好怕....我比好多人好好多..可能我既反應同埋專注未練返..因為吃左藥個人會好放鬆...集中唔到...所以成日呢排都食少左藥..唔知有無影響呢...
我好想刻服佢....唔想浪費左考試既機會....我要放鬆d自己....我得既...心態上要...考唔到咪再來啦..老公咁叻都係2 take la....哈哈..我又唔特別叻...就算再考都係正常..咁樣諗應該會好d....考牌官都要顧及路人既安全架嗎~~佢有要求係正常架...~~
上星期好忙啊...由上星期日到宜家才有時間坐在家裡休息下...打下BLOG...同大家報告下做左D咩...
上星期到19號係我既生日週..開心一浪接一浪..並不是有什麼特別事情..而係我真係可以唔洗再徬徨工作..完全放低晒煩惱去享受我既12月...過往通常正日要返工...就算公司有福利...生日當天可以3點放...不過通常總有客人攪到放唔到..每次都係咁..到真係放工...往往帶著疲倦既身軀...真係食之無味..今年....無返工..精神好...
呢排唔知係唔係要學車又有野做...好似無左失眠既問題...因為天寒地凍夜晚訓唔著真係好驚架...唔通行出去睇書咩...咁凍...呢幾個星期都唔洗輔導同睇醫生...除了學車同煮飯就無咩做啦...通常無野做我個人就會懶...訓到成1點先起身...>_<...無咩動力..其實浪費左好多時間架...我知道..不過一覺訓天光又好爽喎~~唔想靠安眠藥先訓到...既然今年都差不多完結..係時候都要比D目標自己...做晒自己想做既野...搭埋心水....再出發..不過如果宜家突然活躍返我又有D驚...要逐步來..預計最遲新年後就找工作....投入返社會...
其實我之前係圖書館仲借左一大堆書...都未睇...宜家目標係努力比心機睇埋D書先...希望有所得著...睇書可以調整自己心情...學到好多野....不過我成日個心都唔靜..好難叫到我靜靜坐係度睇書...要加比勁..
過去的星期真係節目豐富哦~~星期日約左班中學同學..呢班係識左10幾年既兄弟~~有6個男仔為主幹~除左2個好姊妹..最friend係佢地..我地一齊通常都係賭錢~同埋想當年..中學時既低b野...次次都好好笑~~好開心大家都係咁純真...宜家係社會上好難得...大家既價值觀都無變~~今日其實我唔知佢地去邊架..我仲以為去一個朋友既屋企..點知佢地帶左我去西貢一個club house係對住海邊既bbq場..好靚好好view...全面有好多唔同既野食..一個個凍櫃裝住好衛生...好方便..仲有基本汽水同埋橙汁, 蘋果汁任斟...唔洗限住限住..最好既係...呢度係無限時間架...即係燒到夜晚一點都仲得..真係幾堅...最正既係仲有熟食拎..成日都refill既炸咖啡角,麥樂雞, 薯條同魷魚等等, 又有燒賣蘿蔔糕, 炒飯同炒河~味道也不錯呢...就算係唔bbq都食到飽..因為我地有2個人妻係孕婦....所以都會安心d...真係好開心..我唔知道佢地會攪到咁大..因為我好喜歡bbq 架..一大班人坐埋一齊燒下野食傾下計..我感覺上大家都對我好好...可能我是主角吧...今天的主意要老公的主意..真係鍚晒佢啊...我都知道佢出左好多力tum我開心..我更估唔到...大概差不多7點..我的至好姊妹...莊氏夫婦....突然..出現係我面前..我見到真係o晒嘴..完全估唔到....老公居然會比呢個咁大既surpise我...真係未試過..因為佢唔會係我呢班朋友到出現..通常都係我地2個自己約架咋...我本來都諗住約佢架啦..因為我倆很有緣的...我19號生日佢遲我一日20號..唔知係唔係咁..我地唔洗成日見但係就好了解對方....佢幫左我好多...讀書又叻...我都好欣賞佢..宜家2個都係人妻成日都研究家居既野..好鬼攪笑..天啊...想也沒想到有這安排..我的好姊妹同我一齊切蛋糕....真係好開心....發緊夢一樣....真係最好既生日禮物啊....我知道我老公本來想叫埋我另一個好姊妹...呢個難道仲高...可惜佢要做節..如果佢都來埋既話..我諗我真係哭出來了....宜家咁樣已經想哭啦....大家玩到成11點先走..個個都好開心..仲有大版kitty蛋糕...今個生日既第2次許願...好滿足~~
12月係我最期待既月份...雖然我朋友唔算多..但係都總會有幾個會跟我慶祝一下生日哦..一年到黑做慣攪手既我...到年尾終於可以休息下..等人安排比我..其實咩都唔洗理都不錯..我只要我的好朋友及家人簡簡單單吃個飯..開開心心聚埋一齊已經好開心啦..就是這麼簡單...哈哈..今年好唔想過但都要面對既告別2字既生涯..真係話其實大個女啦...要活得更開心..更精彩...我好珍惜宜家所擁有一切...身邊有好多錫我既家人及朋友...已經足夠..雖然跌到.但我亦是要相信.我會自己爬返起身..努力追求我既夢想..不要想太多...努力投入精彩既人生吧..人生都沒幾多30年呢...
昨日老公出左cwb做激光..沒錯是他不是我..因為他面上的暗蒼太利害啦...真係不知道為什麼會這樣..是壓力吧..還是不夠睡..這很影響他心情..我已經用左好多方法也不能好返..她有個朋友做美容的很好啊..試下幫佢做激光看一下有沒有效用..因為太早我沒法子跟他出去.我要冬眠啊..但我有起床煮早餐給他先去啊...想不到老公去cwb也記掛著我..自己的東西沒有買..買了我很喜歡又捨不得買的甜點給我..是sogo很出名的..hello kitty marcoon 及牛乳蛋糕kitty造型的呢..我知道很貴哦..自己行過也不捨得買啊..so sweet...好幸福他經常買我喜歡的tum我..
昨晚終於有覺好訓..因為食左訓覺藥..不過其實昨天早起身...個人其實都幾累架..有覺訓天光好爽..好耐未試過..唔記得有無發惡夢..起身仲想訓..今朝約左見輔導員去九龍城..早餐都食唔切..每次見完都有得著..$350真係唔講得笑..佢地真係好勁..其實入到一個房仔好簡單咁好似傾閒計..佢地會問下你對呢件事既睇法...佢知道我係一個好considerate既人..佢想我係攪活動既同時..除左見到別人開心既時間自己會開心..佢想我係過程中都會得到滿足感而ENJOY去幫人...佢成日話我最喜歡替人做嫁衣牚..人地開心我就開心...我都係架...不過要FOCUS多D做自己令自己開心既野....
佢分析到我細個因為家庭關係..對人無信心..因為無安全感..成日要同人隔一隔個安全空間先安心...佢明白既..你叫我諗一諗..過去既野就由佢啦..
今日去左北區做第三次覆診, 記得對上一次見醫生個感覺唔多好..因為個醫生好惡..好似想趕我走咁...今次老公特意請左半天假陪我...真係個心定好多....不過我自己當然要學會獨立啦..因為唔可以成日為左陪我而請假.佢好忙架..我都唔好意思架...今朝好早起身,好耐無試過咁早起身...昨晚又諗緊D野失眠..我發覺我好少事就會帶埋入個腦到揮之不去..明明好眼訓..但都係訓唔到..連續3天...真係就快支持唔住啦...明天還要見姑娘輔導架...我的黑眼圈想遮都遮唔住啊...好嚇人...
去到醫院要比左錢先...最驚既事情終於發生..見到親戚...我每次好彩都見唔到..今次好在有老公係度...無咁怕..見到都要硬著頭皮上前打招呼..老公同佢傾計..我就去比錢先可以見醫生...到最後最擔心既問題出現..佢問我地睇內科定外科...(其實我真係唔知點講..咩科都唔係..係精神科@_@..我成日都怕比人知..帶有色眼鏡睇自己..我知道咁樣唔啱..不過又唔知道可以點處理)..老公居然話我都唔係好知..(哈!咁都得..呃鬼咩), 我好緊張就道別完拉左佢走...鬆左一口氣..下次我緊要來..有機會又預到..我下次要勇敢一點要面對...話比佢知我睇甲狀腺 (好多人都唔知咩來)..應該也OK 吧...
昨天做左好多野...下午去左元朗駕駛學院學車..已經係第2堂..之後會密d..因為我下年月尾就考..仲有個多月...不過我應該係熱愛揸車..雖然都唔係揸得咁好..視線依然差少少...唔知點解轉完彎都係比較難揸返直線..下堂要再努力點啦~~
去到元朗學..因為個度比較偏僻, 駕駛學院有免費穿梭巴士送我地過去, 5分鐘就到...超方便...不過由我家去元朗都真係要大概1小時...好遠呢...去到有個幾新幾FASHION既LOBBY比大家休息等考車..因為有時巴士同學車時間唔match.所以變左真係要等幾個字先到...今次一去到阿sir就比我開車..好在我返家都有溫習..仲有老公幫我...我記熟晒d步驟..開車無難道..不過始終直線就仲差少少..成日都剷左上行人路....真係大獲...@_@...今堂阿sir 教我轉波..無錯我是考棍波貨van...勁呢...係度挑戰自己...不過其實有少少擔心自己handle唔到..不過比d信心..做得司機旁邊都算有少少路面經驗吧..哈哈~我覺得自己轉波都ok..起碼只死過一次火...係個半小時內裡面...算係咁啦...哈哈...由1波轉2波有d速度感..覺得好爽..只係有個心理包袱係...成日都會驚撞到野或耆人..阿sir話佢會幫我睇住...唔洗驚....我下次要更比信心自己..i can do it....阿sir成日都話我唔夠自信..可能我成日都將自己既自信建立係人地既肯定方面..所以會咁..今堂係個場內勁轉圈...真係頭都暈啊...最後阿SIR教左上斜停車同開車..有少少技巧不過都幾易..呢個係考試之一來架...希望下次會做到...
今日又係星期一....一個寧靜既一天....過去一星期都係心情起伏不定..還沒好好地控制自己的情緒..我諗應該會把老公嚇壞了...
我的心情不好..身體就會不舒服...晚上就會失眠..有時居然會為左諗聖誕去邊, 煮咩食. 明天晚飯而困擾到徹夜未眠..早上起來當然會頭痛吧..就是GAD既特徵,看來我內心的GAD 魔鬼還未走..比之前更惡..而化身天使幫助我的力量也聽不見呢..為了將天使聲音更強..我要睇多D情緒管理的書..比自己放鬆.唔好迫自己..有時就隨心啦..太過驚都會有反效果..自己有時諗連累家人..無用..既時候就會催淚啦...真係好唔想自己咁軼弱..我好想自己可以面對所有野都平靜唔好諗太多..身體係自己既..任何人都唔會明白你係幾需要去休息既...因為我地既傷係內心唔係肉眼可以睇好..我要知道身邊有好多人支持我..為我打氣...我其實有好強大既support..無咩要驚架..我亦都唔好因為咁無左生命既意義..要健康生存係呢個世界上真係唔容易..我從前係熱愛生命..就算有錯折都係一樣啦..要努力地過日子..我唔知我要幾耐先可以好返..不過我相信只要我有決心就不遠爾..唔好再勉強自己去面對太多...好多野簡單d..世界應該本是如此。我的內心每天也是天使與魔鬼的掙扎..如果天使贏了..當日會開心d...相反，心情會很差..食咩都無味....輔導姑娘說想法影響行為, 心情同埋身體...所以有正面的想法才可以會有好心情好身體...真加油啊...我呢個月除了要努力學車之外...我要努力投入返生活..要慢慢離開屋企呢個COMFORT ZONE..多D出去見下好朋友...暫時會見D懂我同埋好熟既姊妹先..因為我好怕多人埸合..Handle唔到..之後再慢慢join返....我要努力..我都相信自己可以的...如果無家人及一班好姊妹支持..我想我支持不到現在..希望沒有給他們麻煩吧....
這個星期天色不是太好, 天氣又冷...不知怎樣心情又跟住變差..無原因就會好忟好想發脾氣, 又想了很多無聊的事令到自己每晚失眠..看來我要乖一點早睡不要喝茶在4點後, 在床上不要看書..好好培養睡意...睡得不好精神差..心情也跟住不好...所以這星期除了外出跟家人吃飯...就沒有外出啦..躲在家做自己喜歡的事..
自己個病攪左接近4個月..我成日都密切留幾時好返...不過偏偏心情係無TIME LIMITED, 比較主觀..係會有一日自己覺得I AM READY...咁就代表好返..睇過好多書都係咁講...宜家好怕人..一有Gathering我會好驚好緊張..其實我之前最喜歡去街架啦...唉...宜家真係要做宅女....好似與世界脫節..仲都無心情做...都最好唔好令自己太忙..會休息唔夠...真難攪...
小玲‧愛生活 (3)
