傻‧小玲^O^@部落格

這個星期天色不是太好, 天氣又冷...不知怎樣心情又跟住變差..無原因就會好忟好想發脾氣, 又想了很多無聊的事令到自己每晚失眠..看來我要乖一點早睡不要喝茶在4點後, 在床上不要看書..好好培養睡意...睡得不好精神差..心情也跟住不好...所以這星期除了外出跟家人吃飯...就沒有外出啦..躲在家做自己喜歡的事..

自己個病攪左接近4個月..我成日都密切留幾時好返...不過偏偏心情係無TIME LIMITED, 比較主觀..係會有一日自己覺得I AM READY...咁就代表好返..睇過好多書都係咁講...宜家好怕人..一有Gathering我會好驚好緊張..其實我之前最喜歡去街架啦...唉...宜家真係要做宅女....好似與世界脫節..仲都無心情做...都最好唔好令自己太忙..會休息唔夠...真難攪...

由於心情唔好, 我就要TUM下自己開心啦...我的方法好簡單, 早起身整個早餐比自己食先..

朱古力脆片WITH Milk &自家製紅豆包

食飽早餐落左去買菜同順便行下...其實我都幾鍾意自己住緊個度...雖然暫時係租..但係已經好滿足..成日都好鍾意呢個屋苑, 雖然佢唔近火車站, 但係靜中帶旺..你要買咩都有..當然行街買衫就無啦..普通日用品, 煮飯買菜都無問題, 食野又方便..又有jusco (我真係好like行架, 成日都發掘新野),又有稻香(我至愛打邊).又有按摩...勁到呢..留係呢度已經做都好多野..街都唔想出...所以好多謝老公比我揀呢度..同埋業主好好又唔加租..我真係想一直住架...我地都好滿意...

落街就買左今期12/4忽然一週會送anna sui獨家schedule..咁吸引緊係落去買..好在唔難買...不過今日本雜誌由平日既$15變左78..嚇死我..原來個本schedule 係要用$63買架..咁又係..點會送咁好..最後都買左..雖然電話方便..但有時好多野我都會用schedule寫低唔怕無電嗎!

佢會有個皮套送架, 裡面比較plain但個格都好大可以記野...紫色幾靚..好喜歡!

爭扎左好耐買唔買花..因為花係一樣奢侈品..好快就要換...不過屋企擺d花有生氣d.人都開心d...我又好鍾意花..樓下又有間花店.佢買d花又比較特別..所以忍唔住用$50買左2扎花插下啦..我自己襯架..粉紅色係桔梗..我好鍾意呢隻花..似玫瑰但d色同形態比較特別...仲有d係黃色未開架..再襯d無忘我...也可以吧..每天起身望到都開心啊...

好...話咁快就到12月啦..聖誕節就到啦..我家也要聖誕氣氛..今年第2年係度過聖誕啦..雖然今年有點不舒服...不過都唔緊要既...過個簡單聖誕一樣開心...所以即刻拎返老公買返來既聖誕樹出來佈置一下...未有亮燈啊..等老公得閒先整啊..放住係度先啦..

12月份到於我來講好有意義架...我每年都好期待...因為12月有好多日子既...有我地既拍拖紀念日,我的生日同埋聖誕節...真係好開心架...又多假放喎...每年都會用晒d時間約唔同既朋友玩...今年想靜靜地陪下屋企人...因為其實聖誕節都好少陪媽咪....今年一於帶佢去玩一日啦...除了朋友..家人也很重要架..要對家人好d..成日都係義字開頭對朋友我就好好..家人就會少少忽略左..我要陪多d佢地先..好耐無試過一家齊人吃飯..好耐無見過我細佬啦...

好啦...12月要將唔開心掃走晒...有得玩就玩, 有得食就食...開開心心放大假.....比d 信心..我可以的...