傻‧小玲^O^@部落格

有一個星期沒有打blog啦..這星期每日都過得好忙....無晒時間啊...

由星期一開始就係咁整麵包...今次係造型麵包..即係放係麵包機到用佢搓粉既功能...等佢完成第一次發酵後就拎出來造型...就真接係焗爐焗...咁樣就會軟d同好食d....係真架..從前做得麵包第2天就會變硬...好難入口..宜家放2-3天都可以...

幾天沒有打日記...做家庭主婦的確好忙..忙打掃忙做飯...宜家有空才可以嘆一嘆...打下日記..因為今晚會同老公去街街....所以不用煮飯不用整早餐就可以得閒D...哈哈...星期六日係我休息時間..好似打工仔咁...哈哈...我由宜家開始唔可以再話自己無用...唔可以再話無貢獻..正正應該珍惜呢個做主婦既機會好好學習..人生用幾個月時間去休息再出發也不算太過份吧...

這個星期共見了2次輔導..對於我..當然獲盈良多...姑娘們既鼓勵...親朋既支持..我小玲無理由唔得..無理由要倒下去...我要振作..想法影響行為及身體..如果想法負面既對自己既身體一D幫助都無..仲要令朋友擔心..回想起過往咁多年既委屈同擔心...其實就由它消失罷..無必要帶著包袱去走..破碎了的家庭沒法改變...宜家自己有個新家庭...將來大把事情要經歷...點都唔可以破壞佢..用自己雙手去同老公建立返完整既家庭...建立返對人既信心...其實我個病對比起好多在病榻上既人好小事...又吃得又玩得...何必浪費自己既生命呢..你永遠唔會知道幾時會離開...懂得及時行樂才是王道..想不到的事情就別想吧...想太多也沒有幫助...過得一天就一天..每天也要過得比昨天好...生命要過得有意義...由自己決擇..我學了點佛..放下執著是十分重要的...活在當下...人總要向前看..我的只是塵世間一粒塵埃...好細好細架咋...唔好睇到咁大...好多野傷心過堅持過就會覺得其實都係這樣過...我要選擇開心的過...將快樂再次帶給身邊的人....這是我一直以來做的事...我要好返..再帶歡樂比佢地..但要記得也要照顧自己既感受...

    昨晚早左少少訓..都係要少少時間先可以訓著..今朝其實8點左右醒左..因為懶..又想訓多陣..就斷斷續續訓多左陣...又醒下又訓下..因為今天老公不在..唔洗煮飯..亦都唔洗出街..就係屋企好好休息..越來越喜歡留在家..播著自己喜歡既音樂...點著薰衣草香薰...坐係沙發上睇書..這就是我小玲的悠閒生活...好享受..家也是我唯一既安全地帶...真係唔想離開..呢4個月與這個家相處久了..有時間好好享受這個家..幼時被摧毀那個家...宜家自己一手一腳建立返..仲有我至愛的人...我相我可以做到..活在過去太多太多的包袱...我跟本無考慮到自己有多大能耐去應付..到宜家最好既時光就崩塌了..想都想不到..可能好多時自己面對事情唔想靠人既時間...自己就吞左落去..唔知道自己根本受不了...顧及太多...做野就左思右想...什麼事也攬上身上...其實好多野..無左自己都可以好順利..因為自己完美主意..迫自己做個好好既人..唔可以出錯...自尊心太強了...要學懂放下...

同埋我知道其他人都會好錫我...我對人好..人地係會知道...真朋友既會係有難幫你一把...幸好身邊也有...我對朋友都是義不容辭的!!曾經一個朋友既經歷影響我好深..真係好擔心..我就係咁...付出友情...愛情105%..唔望回報...

昨晚又很晚才睡..今天11點約左北區醫院的職業治療師-蔡姑娘做行為認知治療...這是很好的福利哦..因為我宜家係政府睇醫生的...佢轉介左我去做心理輔導的職業治療部...因為我好怕人..佢每次都係單對單見我架..傾下計...又教我諗事情唔係跌入D思想陷阱..點樣諗野可以幫到自己...其實都幾有用..起碼係我處理事情既時間就要用D新既諗法去改變自己..令自己唔好焦慮..不過都要慢慢..始終改變自己幾十年根深柢固既本性係唔易..但我會盡力..有咁多人幫我..我諗我會更好的...係宜家來說...做D令自己開心..唔好煩既野...係最幫到我..

今日同姑娘傾計..佢問我...你自己有無D野係為自己做..或者係令自己開心...除左比快樂別人..自己其實一直對自己好差..完全忽略左自己...其實我幾可悲..因為我既快樂就建築係別人既認同身上..感覺都係...呢個完全唔健康...要做D野係為自己快樂而快樂..唔洗理別人既感受...原來咁樣唔係叫自私...換個角度..如果別人照顧左自己先再照顧我..我亦都唔會話佢自私..我對自己實在有相重標準...會令自己辛苦..我為自己做既野唔雖然有人喜歡..其實自己喜歡就好了...哦...原來咁多年來...我都唔係咁諗係錯晒....今日姑娘一席話..我真係獲盈良多...我唔應該活係別人既框架下...為自己而活..呢個真係要好好學習..因為我好驚別人唔理我..家庭背景令到我無晒安全感...所以明白自己點解會咁..我要慢慢調整返...何況宜家自己有個家...有老公好好照顧我...我要再生活得好點....

      今個星期五六日做左好多野...好BUSY既3天...但心情好似好點...好過自己屈起屋裡面....

星期5等老公放工..本來諗住唔出街..但老公話出去行下..去左沙田...周圍都好多人...搵食其實好麻煩架..今次試新野...去左間新開既日本CAFE..係食咸PANCAKE..都幾特別..坐既位置有CUSHION幾舒服..不過就有限時90分鐘..2個人就夠...款式唔多..飲品比較多..有MILKSHAKE , COFFEE,酒個D特式野..都幾貴...38-68既價錢..無SET 架...睇下我地食左D咩..

    今天是星期日...都比平時早起床...先弄個早餐給老公..海鮮炒烏冬啊...老公也讚好味啊...用了李錦記的甜鼓油食譜...也有加蒜蓉...可是在街市買回來的烏冬麵就不太好吃...要趕快把它吃完.....

接著我們到家附近睇開個中醫...我地2個都睇...調理一下身體..希望快D幫到我個病啦...希望有用啦...

    昨晚打完BLOG之後..唔知係唔係夜得仔...又眼光光等天光...今晚真係試下早D先....@_@...今日早左起身...同老公趕住去銀行處理下D事務...

因為星期六...銀行比較多人....等我都慣..唔知係唔係之前自己銀行好多崗位都做過....其實完全明白BANKER既辛苦...所以我知道要等係正常..但我明白唔係個個客人都會理解..見到有其他排隊既客人嘈d職員..自己就好忟...可能自己都受過..所以特別體諒同敏感..我們這些銀行從業員真的很辛苦....幸好我已經離開...但還會有些害怕...

由今天開始我要學習分享,每天記下自己的事...睇書話咁樣對個病係有幫助架....我試下啦...真係有3年無寫..個人已經變得唔知點分享...因為我就是射手座性格...唔喜歡對住別人唔開心...永遠都係開心個樣..有咩事都吞左...久而久之太多太多負能量負擔唔到...就爆左...

所以我要改變一下自己...承受唔到就release 出來係最好既....昨晚可能因為藥物影響...因為我正戒緊鎮靜劑..即係幫助訓覺既...所以這星期訓覺有一點點難道..所以睡左床上也偶然愉愉地看手機...好像待天光時才能睡..這些日子不知道要適應多久...其實是滿辛苦的...希望藥的副作用快點消息..等我可以舒舒服服地休息好....那就滿足....

很久沒有寫文章啦，今次終於鼓起勇氣寫下自己既抗病經過，其實想抒發一下同希望更了解自己既想法，因為過往一直再逃避自己既身體聲音，沒有好好對待自己的身體哦...結果身體跟我起革命啊~

其實3個月前，由於工作上突然出現了些症狀，好像是手震,心跳,呼吸唔到,情緒好激動(平時的我不會跟人起爭執)，出汗但其實是在冷氣地方，而且每晚也做惡夢睡得不好，每天起床上班就覺得身體好震動，頭暈至天旋地轉一樣...好似是世界末日...已經跟上司請了很多日病假，覺得有點不妥，所以出中環看一看我的甲狀腺醫生...是的...其實我之前有甲狀腺功能亢進，經過一年半的藥物治療,於今年2月已經停藥了。這個病其實跟情緒病好似，病發的時候也是心跳手震冒汗的。