傻‧小玲^O^@部落格

終於分享下整野食既文啦..因為之前整得唔叻..無咩特別...一直都唔敢post...經過2個多月既練習...開始get到少少...所以開心share 下...

自從我10月中買左部philips 麵包機返來...做左成大半個月方包...老公雖然喜歡食飽但難免會食到悶..而且到我整左比家人既時候..原來隔左夜既麵包係好硬食唔得落..因為我通常係試食即刻出爐既麵包..所以唔知無問題..通常都係老公食...原來剩係用麵包機整既麵包唔可以隔夜..所以我為左唔想浪費左部機..我上網爬文....

終於搵到個好好既食譜...真係好多謝呢個網主..佢d食譜又易明又好味..就算我呢d 零認識既都可以做得咁成功.大家多多支持下呢個網站..我知道佢都有出書架..除左面包, 甜品, 中菜, 西餐等等...我好多都搵呢度食譜整架..等我呢個師奶仔可以入得廚房, 出得廳堂。

http://www.christinesrecipes.com/2012/04/red-bean-buns.html 簡易食譜

詳細食譜請click 以上連結

我將整包既過程濃縮比大家睇...成個包最緊要係湯種...如果唔加..隔夜既麵包就會硬....放唔到耐..但每朝新鮮出爐真係有難道..揉粉至焗..要用近3小時...所以麵包通常我前一天整定..第二天早上..老公就可以做好多..通常我會將食譜減半份量...因為原本呢個食譜係整10個...咁多我地2個人食唔晒...整5個就夠啦..最多就食2日再整...保持新鮮啊...

湯種煮法請參考...http://www.christinesrecipes.com/2010/03/tips-on-cooking-tangzhong.html

呢個係我用 50g 高筋粉, 250ml 水煮成..煮左幾次終於掌握到..唔可以太稠..會影響個口感...

就係佢..令到本身想賣左個麵包機既我重啟整麵包既日子..因為我d 麵包唔洗再係超硬難消化架啦!!

開始整麵包啦..準備好晒材料啦...買左個新磅一路磅一路整好方便..

麵團材料: (原食譜做10個, 以下做5個份量)

• 高筋粉 175 克
• 糖 27 克
• 鹽 2.5 克
• 全蛋液 28 克
• 奶粉 3.5克
• 牛奶 62毫升
• 湯種 60 克
• 即溶酵母 3克
• 牛油（奶油，置室溫放軟，待麵糰起筋才加入）15克
• 紅豆泥（自製或罐頭） 酌量

step 1. 將所有材料由液體材料開始逐一倒入, 牛奶,全蛋汁,湯種, 鹽, 糖, 高筋麵粉, 酵母, 牛油等多陣先放...

step 2. 放入麵包機按program 10-dough-搓生麵團模式, 時間約一個半小時, 會在麵包機完成第一次發酵

step 3. 麵包機啟動將所以材料加以攪拌

step 4. 見到材料成團後可以放入已軟化的牛油 (要用無鹽牛油以免影響麵包味道)

step 5. 待1.5小時後停機, 此時麵團已經在麵包機內進行了第一次發酵, 麵團已經變大了兩倍.

step 6. 將麵團取出並用手按麵團令其排氣幫助發酵

step 7. 將麵團用膠片平均分成5等份並滾圓

step 8. 將麵團放在盤上用保鮮紙或濕布蓋實, 並進行第2次發酵約15分鐘

step 9. 完成發酵將每個麵團用木棍滾成扁圓形, 將適量的紅豆蓉放入而且包好, 摺口向下, 蓋好進行第三次發酵, 待麵團變大2倍, 約30-45mins

step 10. 待第三次發酵完畢, 在表面掃上蛋汁並加上白芝麻, 再將每個包用剪刀剪開4-5下作造型, 再放入焗爐15-20mins即成

因為我唔係好識整形, 所以形狀無網主整得咁靚,同埋我家的是多士焗爐, 沒有溫度調教, 所以焗到有點焦, 但我新鮮出爐食..今次比上次更鬆軟..不錯..而且今次落多少少紅豆蓉就口感豐富d..(因為自己唔識打, 所以去aeon supermarket 買現成的紅豆蓉, 直接放入麵包就可以啦..簡單方便, 要$20~)

好多紅豆啊...

自家製造型麵包其實好簡單..而且整既過程好享受...由粉變麵團, 再分割, 等發酵再包料, 再發酵, 放入焗爐. 雖然整個過程好長時間..不過中間其實有2小時係等..可以做下家務..我就去左掃地同埋食野..哈哈~~給大家分享, 造麵包可以好簡單..而且每天也造新鮮出爐麵包給家人食...糖同鹽都可以自己調整...比起出面個d健康得多..絕對安心啊...我還嘗試了其他款式..遲些跟大家分享..