傻‧小玲^O^@部落格

第二朝一起身就食得~好飽好健康的養生早餐哦~煲到好稠的效果哦~我個人比較喜咸食~落少許海鹽已經夠味~食2碗已經飽飽啦~

第一次寫燜燒杯系列~~自從老公一個月前買左個0.9L既TIGER 牌燜燒壺比我之後, 我呢個懶人就不斷上網研究有咩燜燒杯食譜~我發覺呢樣野係台灣香港都好紅哦~通常D人都用象印~不過我地買個陣象印真係幾貴啊~一半SIZE 0.5L都要400~我地呢個3XX鬆d..因為有2口子所以唔買咁細..都係日本應該OK 掛~好.所以我就測試下呢個神奇的杯究竟係唔係好似個SALES所講可以保溫24小時~

成日早餐都唔知食咩~~逛逛下超市見到呢樣野~

點點綠的有機"十穀粥", 之前都有留意開好多人講緊呢個好養生既粥..佢包含左好豐富既十種唔同既穀麥種類~其實我平時食飯都有加燕麥落去, 因為纖維會多D有益D, 成日都驚咁多種穀會好硬好難食~不過為左健康~買左嚟試下~~$38左右FROM WELLCOME~聽說它可以改善失眠, 心血管疾病, 腸道健康, 防癌,便秘、 長壽等等....詳情參閱http://www.simonchau.hk/Chinese_B5/food/TenGrain.htm

成份：
有機糙米、有機小米、小麥、有機蕎麥、有機燕麥米、有機燕麥片、黑糯米、薏仁米、芡實及蓮子

食用方法: (2人份量, 4碗左右) 參考自官網
1. 將材料用水浸 30 分鐘至1小時，
2. 將 7-10 份水煮沸，加入1份同等份量的十穀粥材料，
3. 用慢火煮 45分鐘便可食用。
4. 可加入適量的海鹽調味, 更可混入点点綠有機提子乾及龍眼肉等乾果, 美味有益

原產地: 泰國、中國、芬蘭 

我的煮法: (1人份量, 燜燒杯版)

材料:

十穀米             .................1/3 杯

水                   .................500ml

海鹽                .................適量

如果想第二天當早餐食, 有左燜燒杯就可以前一晚預備定..因為十穀中有好多都好硬~

1. 要預先用清水浸45分鐘至1小時
2. 將500ml 水倒入鍋中煮滾, 再放入浸好的米慢火煮15mins
3. 將熱水倒入燜燒杯約5分鐘溫杯, 之後倒出
4. 15mins後將米連水一同倒入燜燒杯焗過夜即成

食後感: 我加海鹽一同食, 味道唔算難入口, 好有咬口, 呢個份量食到2碗, 剛剛好耶~可以頂到下午.....再加點肉鬆或包子應該會更豐富~燜燒杯真係可以keep hot, 仲係好熱架到中午~勁啊~啱晒要瘦身帶午餐的上班族哦~