傻‧小玲^O^@部落格

班蘭戚風蛋糕~自從我幾年前去過singapore食過後就一試難忘啦~~清新既香味同埋鬆軟的質感~係香港好難搵到~但近年美心都有賣啦~~$28一個~我諗大概7吋左右~都好味~但始終覺得可以試下自己整應該可以再好味d, 加上奶奶自家有種班蘭葉會有時拎d比我~所以我就更加多機會整~因為去印尼店買要$1 一條仲要唔靚tim 啊~~上網搵左好多食譜~作過不斷嘗試~整左差不多十次左右先至算係似樣~發覺除左用料, 技巧都相當重要, 功多藝術係沒有錯的~最成功係參考呢個<簡易食譜>的方法, 真係很感謝你的分享~~可以令我成功做到自己喜歡的蛋糕~詳情參考以下網址

http://www.christinesrecipes.com/2013/06/pandan-chiffon-cake.html 班蘭戚風蛋糕 BY 簡易食譜

我今次做的是跟原食譜的8吋戚風模~如果怕食唔晒~2人其實可以做6吋~只要將份量減半就ok 啦~

材料:

蛋黃糊材料:

蛋黃5 隻

幼砂糖................. 15克 (我減了糖的份量, 覺得甜度都ok)

低筋粉 .................100克

泡打粉（baking powder）..1茶匙

椰漿 ....................100毫升

班蘭汁 .................2湯匙

班蘭香精...............幾滴

橄欖油................ 3湯匙

蛋白霜材料:

蛋白.................... 5隻

幼砂糖................. 55克

塔塔粉 .................½茶匙

**記得整蛋糕前一小時要先將雞蛋從雪櫃取出解凍***

班蘭汁材料:

班蘭葉（新鮮或急凍）......... 10片

水                            ..........2湯匙

更多内容 http://www.christinesrecipes.com/2013/06/pandan-chiffon-cake.html#ixzz3lg7LydDy

做法:

1) 先將新鮮班蘭葉洗淨, 切成細片, 放入攪拌機加水攪碎, 然後用篩子用匙將汁液壓出, 約2湯匙就足夠, 備用

2)預熱焗爐170度

3)將蛋白及蛋黃分離, 先處理蛋黃糊;用打蛋器將蛋黃及20g糖攪拌

4)將椰汁, 班蘭汁及班蘭香精及油倒入並徹底混合

5)將泡打粉及低粉混合, 分三次篩入蛋黃糊, 輕手拌勻, 備用

6)再處理蛋白糊, 先用打蛋器將蛋白打至起泡( 注意盤子及任何器具不可以有油, 水等沾到蛋白糊, 否則會影響打發過程), 再下塔塔粉打一會兒

7)將55g砂糖分三次倒入繼續攪拌, 打至蛋白企身~將盤子倒轉蛋白也不會流下來的狀態就可以啦~(這個步驟好緊要啊~會好影響蛋糕的鬆軟程度)

8)將蛋白糊分三次輕手拌入蛋黃糊至徹底混合

9)再倒入戚風模至八份滿 (不用塗牛油) , 放入焗爐焗40-45mins (我家焗爐要45mins), 頭15分鐘用170度, 之後就降至150度~用牙纖插入沒有麵糊黏住即表示熟透

好香的班蘭蛋糕出爐啦~~立即吃了一件作下午茶呢~再配上一杯紅茶就更好~~用新鮮班蘭葉真的香很多~~如果想再香d, 斑蘭汁多可以多放一點, 再減點椰汁就更香~大家也試試看啦~