傻‧小玲^O^@部落格

手作花色冰皮月餅~係咪好吸引呢？自己做也很簡單呢~~今年就用點心思做月餅賀中秋啦~

仲有2日就到中秋~~相信大家都已經準備好過節的食品~~月餅都已經食得七七八八~~我呢排忙整月餅啊~~所以到宜家先有時間分享下我整月餅的成果~~

年年一到中秋~我就好煩惱~~因為要諗買咩月餅送給各家人~~唔係冰皮就傳統,奶黃同雪糕~~真係其實咩款我都買過啦~~~屋企人通常都唔會食得晒~~正常食4份之1個已經好飽~~

今年行開烘焙店~見到有個懶人包~~於是就係<二德惠>買左個綠豆朱古力脆脆冰皮月餅套裝試下整啦~$88包晒所有整月餅材料~自己只需要買返自己喜歡的月餅模就可以啦~~

我買左2個模, 一個正方型50g玫瑰, 另一個圓型63g太陽花~~因為我買材料個陣已經係3星期前~所以好多模都無晒~我下年一定要訂個自己鍾意既~~

作為初學者既我都唔知其實係咩意思~只知道個package係要用50g or 63g既月餅模做~~50g就做到20個~63g就約17個~

我心諗$88都可以做到至少17個月餅都幾抵~~又可以食又可以玩~佢仲有其他口味架~~呢個適合第一次整月餅的人啊~~好方便啊~~好詳細教埋你點做~有晒用具~學左整一次~之後就可以自己買喜歡的材料整啦~~~先做個最簡單原味的冰皮先~

套裝包括:

免煮冰皮粉.................1包 

綠豆餡       .................1包

朱古力脆粒精選 (黑濃, 焦糖, 牛奶味)

固體菜油.....................1杯

太白粉(手粉)...............1包

個裝月餅盒連蓋..........20個

羊毛毛刷....................1支

食品用膠手套.............1對

製作食譜

為大家推介2間烘焙店~我成日都行去發掘新野~~好開心架~有一間仲係我家附近~~最好係可以上網睇下佢地有邊d材料買~唔洗去到無~

http://www.twinsco.com/ 二德惠(大家可以去呢個網址睇下佢有咩買, 我出開油麻地就會去呢度~覺得D野平D~~)~佢好似要買滿$800先可以入會~~~

http://www.ichi-cake.com/ ICHI-CAKE (呢間我都成日去~可能會貴少少, 但勝在款式同分店較多, 店舖都幾寬敞, 可以慢慢睇)-滿$300就可以做會員~好多野都有會員折扣架~3個月內儲單就ok 啦~

好啦~~開始做月餅啦~~先睇睇佢說明~~本來以為做月餅好難~因為之前都上網睇過d食譜~~要煮冰皮其實都幾多功序~又要放涼同雪住佢~第一次整都係簡單d買免煮冰皮~~加水再搓好就可以啦~方便多~~遲d學識先至自己煮啦~~始終自己做無晒防腐劑會健康d~~同埋甜度也可以控制~~

將免煮冰皮粉一包加入250ml 的冷開水, 快手攪拌或可用打蛋器的s勾攪拌, 中速2分鐘, 快速再攪3分鐘至表皮光滑 (如果一次過唔洗做晒咁多個, 可以用一半份量先)

穿上手套, 將固體菜油分3次加入搓至不黏手, 時間越久, 麵糰越滑, 將麵糰分成各等份備用~視乎你用幾多g的餅模, 如果用50g就將麵糰分做26g, 63g的模就分做30g

將綠豆餡包入適量脆珠, 滾圓備用, 份量也是一樣, 如果用50g就將麵糰分做26g, 63g的模就分做30g

今次我做10個~皮同餡也搓好, 將皮壓平, 將餡小心包入~真係好似湯圓咁~

可以準備印模啦~~~聽說這是一個最難的動作~~因為要就力又唔可以太大力會壓扁個月餅, 太輕力又會出唔到個圖案~~

準備好手粉~撤去矽膠墊上, 拿一點灑在模中, 起初我無做呢一步~個月餅太黏脫唔到模~~但太多又唔得..會見唔到圖案~~工多藝熟~~印多幾個先好d~

將麵糰放入模內, 收口朝下, 放在枱上按壓二下, 再用雙手壓下將月餅壓出~

http://www.ichi-cake.com/video.html (可以click入佢有教你點搓粉同印模, 我睇左先至唔會整爛d月餅)

印好啦~~第一批太多手粉啦~~但都還好吧~~可以用佢附有的掃掃走多餘的太白粉~做好要冷藏一晚才可食用啊~咁樣個皮先唔會太淋啊~

也見到很清晰的圖案吧~~哈哈~~

第二天嘗過~~都ok wor~~跟出面個d差不多~自己做多左份感情~~哈哈~好食d~個皮好滑同埋裡面有脆脆更有口感~

所以我的第一批原味冰皮就送給了我的好朋友啦~~

整完一次當然又想試下其他啦~~既然口碑也不錯~我就去左ichi cake買左免煮冰皮粉~一包可以做到12-14左右啦~我用63g, 用左25g同25g的比例~其實都無咩所謂既~如果正確D來說~皮同餡的份量加埋就要等於個模的份量~所以做50g先係25g+25g~或者30g+20g又可以~包到餡就ok 架啦~~呢樣係烘焙店的人教我架~~~

呢個粉係200g, 加200g開水攪拌至光滑, 再加入20g菜油 (一盒), 唔同烘焙店的粉都會唔用份量, 記得睇佢個說明~

將冰皮搓成光滑麵糰備用

今次要做4色~將麵糰按比例分成4份, 

白色就唔加野係原味

啡色加左一至兩茶匙可可粉, 份量按個人喜好~加多d就越深色

綠色就加一至兩茶匙抹茶粉

紫色係香芋味, 剛好家中有香芋精油, 由於我加得太多, 所以比較深色, 同埋係液體關係個麵糰會較黏手~注意加入份量~

加入不同味道的粉或精油將顏色搓至均勻備用

這個4色手作冰皮就做好啦~~係咪好簡單呢~

今次有芝麻, 芒果, 綠豆蓉及紅豆4種餡~也是在烘焙店買現成的~因為時間不夠~自己做就要很花時間~~

每包250g~大約20-30左右有一包~可以用到10個月餅~

送人的就要包裝得靚d~除左內盒外~我仲買左幾個和風盒子裝起佢送人就夠晒心思啦~

到宜家為止大家也給很好的評價~實在太高興啦~等我下年再有動力研究新口味比大家~~希望大家都喜歡我的手作月餅~可能味道無出面買個多~但我很比心機做的心意會加分吧~嘻嘻~

**手作冰皮月餅建議3-5天內食完, 如果1-2天內預計吃不完就要放入冰箱~進食前一小時放入下格解凍風味較佳人**

**由於天氣炎熱, 如果要送人的建議附有乾冰包以防月餅在室溫變壞, 不建議放室溫超過三小時**