傻‧小玲^O^@部落格

係我最初買了麵包機回來的時候，我就是一個新手....所以其實並不知道做麵包有什麼材料要準備好~同埋用什麼材料才可以做出好味又軟綿綿的麵包~

我記得我第一次整麵包就用買麵包機送的預拌粉, 再加水及菜油~~到麵包焗好的時候~好期待咁收包~~點知到左第二天, 麵包就硬到石頭般~所以知道食材其實都好重要架~

綜合左我1年做麵包既體驗~~如果新手做麵包的話, 準備以下這些材料就可以啦~

1.高筋麵粉

高筋麵粉係做麵包常用的材料~我試過中國, 韓國同日本的高粉~始終覺得日清高粉做出嚟比較QQ同軟熟~~就算無整湯種都可以保留到個D軟熟~同埋唔難買, 通常係一田或者759買到~~原價要32左右~~烘焙店都要成$31~所以通常我趁佢特價先至入貨~~一次就買好多~~有時一田做SALE, 見到46蚊2包~~平均$23真係激抵啊~~~上星期見到759做緊會員正價貨品7折啊~~原價$28.9減到$21一包~~食用期限仲係年底, 夠晒時間用啦~~係我見過既最抵~~所以都入左2包先啊~~因為成日經過759都無貨架~~大家見到減價就入定無蝕底, 之前去九州見到AEON賣緊$16~幾想買啊~~運到香港就變雙倍啦~~

除左日清高粉之外, 日本其實仲有好多款粉架~~我遲D清晒都要試下其他, 因為唔同種類既粉受水情況都唔同, 就做出唔同種類既麵包啦~~

呢隻近期麵包界新寵, 相信大家都聽過~~流淚粉同流淚吐司呢D字眼~原來佢真名係凱撒琳高筋麵粉~~$28 1KG, 做出來既吐司同餐包就算唔洗湯種都軟綿綿~~如果要手搓麵團就比較黏手~可能係咁所以就會做出軟軟吐司~吃完真係會流淚哦~~哈哈~~係好味都流淚~不坊一試~~係懶人恩物哦~~

2. 全麥麵粉

全麥麵粉係做麥包的主要材料, 粉質比較粗糙~通常D麥包食譜有唔同既比例, 如我P仔機既食譜就係50%全麥粉加高粉~咁既比例唔會太硬, 焗出嚟比較有咬口~~又唔會好似法包咁...吃多D麥包比白麵包健康架~~所以我都成日會整...買一包麥粉會用到好耐, 因為每次大概用125左右~~去一般烘焙店已經OK 啦~好似$20左右~我去二惠德買既~~

3.低筋麵粉

點解會講低筋麵粉呢？唔係整蛋糕喎~~我係用日清既低粉~記得唔好買錯~日本稱為薄力粉即代表低粉~認住個包裝, 同埋佢面會有蛋糕既樣式~~如果高粉即叫做強力粉~~唔好買錯啊~~有時有D麵包好似D花生花捲, 肉鬆包呢D西式包會用到高粉加低粉~所以買定一包低粉就一定用得著~平時拎嚟整蛋糕又得~~一田有售~~~759我又好似唔見有~如果有就入貨~~都係1包1KG, 我會用好耐架..因為整蛋糕唔洗用好多粉~所以好抵架~~

4.即溶酵母

酵母大致有分幾種, 乾酵母, 即溶酵母同新鮮酵母~如果最適合家庭麵包機用又會易D控制既就一定用即溶酵母, 唔洗預先開水, 放入酵母格就會發揮好奇妙既化學作用啦~不過記得開封後放入雪櫃啊~我就用日清呢種我覺得幾好~~又係等佢特價一田到買~又係成日都無貨~~759特價就抵~$25~佢呢隻一包有50g, 一般每次用3g左右~會用到17次啦~~見到可以買多盒~另外好似一款係3g獨立包裝~方便唔洗磅~我試過係超市買個樣唔係好得..中文字個種啊~應該得一種架咋~

5.無鹽牛油

大部份食譜都要用到牛油, 我地做麵包既大部份都係用無鹽牛油, 因為鹽既份量可以控制到~~唔好買錯啊~通常我見超市有d牌子買2送一, 平址$20左右~我都會入價~因為每次用10g左右來說, 基本上用到20次~買定放落雪櫃就ok....

自從知道烘焙店會平d同多款d, 我就去呢度買, 平均$15可以買到ambassador呢款, 比較硬身~放一段時間都唔會軟, 另一款president就$25...(超市買$35), 會軟d, 個味重d, 可以縮短放軟既時間~不過就貴d, 其實我覺得買邊款都無所謂既, 無鹽就ok 啦~

我自己就會將牛油切做數件, 放入食物盒, 每片大約10g左右~按自己喜好加入麵包~咁就唔洗次次都切..方便多~有d人會怕肥唔落牛油, 都可以用橄欖油代替, 不過就無咁香受質感濕d~

6.糖

糖係麵包重要既材料~一般糖既粉量係唔可以刻意去減既, 因為會影響到麵包發酵既狀況~如果真係要減+_5g左右就好了~好多食譜都係用白砂糖, 因為做出來麵包色會靚d, 但近來越注重健康既我, 知道白砂糖係經過漂白, 多吃無益~雖然價錢平, 幾蚊可以買到一大包, 但基於自己做麵包都想吃得健康d...宜家改左用raw sugar黃糖或者甘香砂糖, 呢d無經漂白應該會健康D,質地同砂糖一樣~買一包1KG, 都要$2X 左右~好少會減價, 為左健康就唔緊要啦~

7.鹽

一般家庭煮飯用既食鹽就可以, 因為一次用6g左右, 唔會影響太多~如果想增加風味, 用海鹽都ok...

8.奶粉

係我整中式麵包既時候, 好多時都有奶粉加入, 加入奶粉係增加香味~~如果本身已經用左牛奶就可以不加~但有時如果唔想成日買定鮮奶係家~奶粉可以代替牛奶~但份量另計~我係烘焙店買100g既奶粉都係$10~其實已經用到好多次..自己for 方便都可以拎個樽裝住, 每次都係用6-10g左右~最好用全脂奶粉會香d~

9.水

水係奶第二個選擇, 好似p仔機通常都係用水既, 普通白麵包用水也ok, 不過如果夏天, 用5度左右既水會好d~仲要用少10ml左右~因為天氣熱易發酵~冬天又要維持正常~我就會用個樽裝定d開水放入雪櫃~用完又refil, 確保係keep住5度,咁個麵包會發酵得好d~

10.提子乾

提子乾我係超市買del monte因為都幾好味~一包300g左右~~用到6次啦~~我每次會放50-60g左右~記得用之前用熱水浸軟~再榨乾水份就ok 啦~~通常用鬆餅同麥包都會用到~~宜家用p仔機放係乾果格就會自動投入, 仲好平均tim, 好過自己放~

11.紅莓乾

比起提子乾有d酸酸甜甜既味道~~都係用來整麥包會襯d~有機紅莓乾係超市買都係$25左右~

希望新手做麵包既你們對於做麵包既材料有初步認識~以上既材料有齊已經好足夠架啦~~做麵包樂趣多多, 大家也試試看~~