傻‧小玲^O^@部落格

整麵包機吐司唔係白麵包就真麥包~~真係幾悶~~之前整Brownie留低左包核桃係度~所以今次就以直接法來整<核桃吐司>~~隔2天也一樣鬆軟~~仲有核桃的粒粒也很好咬口~~口感更豐富

紫色的麵包我覺得份外迷人~哈哈~

我一向都好喜歡食蕃薯~~尤其係日本既甜薯~~不過如果要加落麵包到就唔可以用日本薯~~今次參考"肥丁手工坊"的紫薯湯種吐司食譜~再加自己小小改良~謝謝分享哦~~真的很成功啊~由於唔夠時間等4小時麵包出爐~

係我最初買了麵包機回來的時候，我就是一個新手....所以其實並不知道做麵包有什麼材料要準備好~同埋用什麼材料才可以做出好味又軟綿綿的麵包~

我記得我第一次整麵包就用買麵包機送的預拌粉, 再加水及菜油~~到麵包焗好的時候~好期待咁收包~~點知到左第二天, 麵包就硬到石頭般~所以知道食材其實都好重要架~

之前剛剛分享完用菠蘿包預拌粉嚟整~~宜家又嚟試下自己整~~~又是謝謝分享<簡易食譜>...我覺得個皮比較難整~~厚薄應該都有影響既, 今次我覺得個皮硬左d~~

菠蘿包細細個就好鍾意食，記得之前係幾蚊個又平又好味~~宜家買都唔貴~~不過就越來越細個, 重點係我樓下間麵包店d 菠蘿包係唔好味~行開超市見到有菠蘿包預拌粉~其實係一d預先幫你預備好既粉~唔洗你再量粉量, 糖鹽個d, 只需要加牛油, 水同蛋就做好~~最緊要係我知道菠蘿包的皮都幫你預備埋咁就太方便, 因為我自己整過~如果時間唔係太充裕, 買包預拌粉就係唔錯既選擇~做出嚟效果好過我自己搓個種啊~~各大超市有售, 好似係$30一盒做到8個菠蘿包x2~~都幾抵啊~~我搓大個d所以做到6個~

呢個包唔知多唔多人喜歡呢~~我就好喜歡啦~~因為外脆內有肉鬆~好有口感~~平時去山崎買要成$9.5~~記得中學個陣都係$6.5左右~~咁宜家識整包~~我就緊係自家製啦~係咪同出面個d甘差不多呢~~同平時做麵包的成份差不多.....要預備多幾塊酥皮同埋一罐肉鬆~~

今次個形搽得無咁靚, 但個味道依然都OK 架~內面包住日本紅豆蓉~~食2個都唔夠啊~~之前整過好多次架啦~~其實唔難, 不過要包涵就多小小工驟~

自從買左p仔機...日日都整麵包...佢附送既食譜其實有好多款式..係直接法, 無落湯種, 我發覺隔2日都唔會變硬..實在太好啦~~可以日日食新鮮好味既麵包

香噴噴既芝士條....好吸引啊~係咪好想食呢？我夜晚先出爐..都忍唔住同老公Share左一條~

繼上次既棉花小餐包, 今日又心血來潮整左個黑糖餐包~因為之前老公妹妹係沖繩買左盒好大既黑糖比我, 其實煮餸我係勁少用....就快到期就拎嚟整沖繩黑糖提子餐包就啱晒~~

由於買麵包送左2盒金像牌預拌粉, 我就試左用佢送既預拌粉做普通白麵包

做麵包如果想隔天都又軟又好味的話, 用"種"法是必須~好似中種, 老種同湯種法...但以上3樣都要預先煮好, 甚至要放過夜, 所以對於無咁多時間既姊妹們同埋即慶想整包既就會有D煩惱~因為我之前跟D食譜係用湯種, 所以有時唔得閒煮就無心機整包啦~~

  我老公終於完成我心願, 幫我入了部P記麵包機啦~~我簡直是開心到好似中左六合彩~~

今次有機會可以比我揀, 我上網爬文爬左好耐, 大致有3部市面買緊, 分別係最Basic 既104, 105同106...106係年頭出既~有24款食譜同埋新鮮酵母培養程式~價格真的不太可愛呢~$2780~~

好耐無寫過麵包文啦~~因為近來無咩精神...所以無咩整啊~~今次買左新用具~~所有想試下整唔整到街買個D麵包型啊~~因為我個飛記麵包機啊~~個內膽好鬼大架..一做就磅半, 同P仔好唔同架..所以如果250G粉出來個型會唔正方, 好似長方型咁架...為了解決呢個問題, 同埋聽講焗爐出來既麵包係好食過係麵包機焗, 所以就試整一次啦~~

我做麵包年資尚淺...仲係不繼研究同學習既階段~本身都喜歡食麵包既我同老公, 成日都係度諗每日買咩麵包做早餐~但總覺得宜家d麵包起碼都8-10一個~仲要係空氣包~食完一個都唔飽個種~再加上我上次休息在家無聊~同埋見到友人每日都分享佢地自家製既包包好吸引之下~覺得自己做麵包好神奇啊~~於是好錫我既老公就"批準"我買第一部麵包機到宜家第二部...為左配合焗更多唔同既款式...仲加埋大焗爐tim...我都係不繼失敗同被批評咁走過來...所以我絕到了解新手應該要準備d咩去迎接自己人生中做既第一條麵包~(講到好似好誇張咁)~大家可以差考下~~

我一向都勁喜歡食士多啤梨, 不過成日去超市買..唔識買次次都唔甜又酸, 今次買個種真係唔OK 架..大獲..咁點算..成盒咁酸真係好難攪..