傻‧小玲^O^@部落格

Philips Viva Collection 麵包機HD9045

http://www.philips.com.hk//c-p/HD9045_30/viva-collection

睇下佢個外型好細部...真係好吸引架..仲有個大玻璃窗口可以睇下裡面做麵包既運作!

由於放假有d悶啊...又見到宜家好多人都自家製麵包..好似好方便又好玩...老公又日日都會食麵包做早餐..有時我地都會買2次方包返來做早餐, 見上次老公朋友送的豐澤coupon仲有1800剩...所以就去買左部麵包機試下啊...豐澤唔係有好多牌子, 得大牌panasonic , philips & kenwood. 比較過之後...Panasonic係最貴架..$19xx..最多做1磅包..我見Philips 個部又細同埋內膽大d, 價錢係$1288~~中間價..因為我唔知自己係唔係三分鐘熱度...所以唔敢買咁貴...就係咁決定左買Philips...

• 14 款預設程式，可焗製麵包、麵糰甚至果醬

  我就係比佢14款程式吸引..不過其實用過發覺通常都係用幾個架咋~

1.白麵包 2.白麵包(快速) 3.輕麥麵包 4.法式麵包 5. 甜味麵包 6. 白麵包(超快速) 7. 無麥麩麵包 8.全麥麵包 9.全麥麵包(快速) 10.生麵糰 11.意粉麵糰 12.蛋糕

13.果醬 14.自製麵包

影個實物比大家睇..佢比較矮身闊D內膽大D..日本機就係高身D內膽細D,隨書附送食譜有晒材料份量同時間,同有一個量杯,量匙同埋一枝鐵棒用來將個轉葉勾返出來..因為佢成日都留左係麵包入面..大家用過就知道咩事架啦~

裡面係咁樣既..

我發覺最常用既係mode 1 & mode 10...其他有用過既係MODE 4,8 & 13..其實大部份都係唔同既吐司有唔同既食譜

呢部機可以整到2個SIZE 既麵包, 750G & 1000G..不過通常我整750G已經係磅半...即係唔計頭尾已經有6大塊方包..另外1000G真係太多好難食得晒...連麵包皮都可以選擇淡色, 中及深色...我通常也烤中或淡色..因為麵包機烤出來既外皮都比較硬..所以淡色已經好夠啦~~

呢部麵包機既運作係咁既...

搓麵糰1->發酵1->搓麵糰2->發酵2->發酵3->烘焙->保溫

通常第一次搓麵糰中間會發出響聲係提示你可以落乾果(記得要切碎或細粒落). 如果要整造型麵包聽說可以在第三次發酵前拎出來整型同埋除出塊葉再將麵包放返入去焗,不過我未試過, 通常自己拎去焗爐焗。

其實揀左呢部機之後其實有D想換架...第一，因為如果做250G 即1磅包就可能個形未必咁靚..始終個SIZE係做大包..同埋呢個牌子無咁多人用..好難搵到網上既食譜同心得...勁苦惱啊....其他都無問題既...初初以為麵包機只可以做到吐司..不過其實吐司食得多的確會悶...

買麵包機送左3盒預拌粉, 本身送TANITA磅架..但送晒啊...結果要自己買啊..

同大家分享下我初初用麵包機食譜整既製成品

用預伴粉整既白麵包..可能係250G粉, 所以個樣係咁既..唔似普通方包...吃落去都OK..隔夜就唔得啦..

呢個係用全麥麵包MODE既紅莓麥包..用左本身機既食譜, 450G既粉..個樣先似返D

呢個係法式麵包MODE..外皮脆..但較硬!

我做麵包通常都用佢既預教模式，最多可以廷遲13小時令麵包第2朝新鮮出爐...不過如果有新鮮材料好似雞蛋牛奶就唔好用呢個MODE 啦..

一起身就聞到麵包香味即刻做早餐..真係好正~~

為左切靚D個麵包, 我去IKEA買左個專切麵包既木架並有埋直長刀..切麵包好好多...$130~好方便

就係咁開始我整麵包生涯啦...做左成個月先知原來用麵包機食譜整既麵包係唔可以隔日食會變得好硬..無出面個D咁鬆軟!

上網開始搵方法..點樣先做到鬆軟麵包呢...

就係簡易食譜網站搵到答案

詳情入去睇睇

北海道牛奶麵包 (湯種法)

http://www.christinesrecipes.com/2010/10/hokkaido-milk-toast.html

跟左呢個食譜整..我全部用麵包機..焗到好高啊..我搽左蛋汁..個面焗得好靚..出到來既麵包好香好軟..留4-5天都係軟棉棉..最成功係呢次...就係咁..我開始鍾意返我部麵包機..要多D嘗試唔同款式..宜家自己識整麵包..變左宜家好少會買麵包食啦..